ৰঙিয়া, 8 জুন : ৰঙিয়াৰ যোগেশ্বৰ বিদ্যাপীঠৰ প্ৰধান শিক্ষকৰ বিৰুদ্ধে ৰুজু কৰা হৈছে গোচৰ । কামৰূপ গ্ৰাম্য জিলাৰ বিদ্যালয়সমূহৰ পৰিদৰ্শকে ৰঙিয়া থানাত গোচৰ ৰুজু কৰে এই গোচৰ(Case registered against principal of Yogeshwar Vidyapeeth in Rangia) । প্ৰধান শিক্ষকজনৰ বিৰুদ্ধে দৰমহাৰ বিল বনাবলৈ ধন বিচৰাৰ অভিযোগ উৎত্থাপন হৈছে । প্ৰধান শিক্ষক ধ্ৰুৱ কুমাৰ শৰ্মাই ধন বিচৰাক লৈ বিদ্যালয়ৰ শিক্ষয়িত্ৰী চাহিদা বেগমে ৰঙিয়াৰ মহকুমাধিপতিৰ ওচৰত দাখিল কৰিছিল লিখিত অভিযোগ ।
শিক্ষয়িত্ৰীগৰাকীৰ অভিযোগৰ ভিত্তিত মহকুমাধিপতিয়ে দণ্ডাধীশৰ দ্বাৰা উক্ত ঘটনাৰ তদন্ত কৰোৱায় ৷ দণ্ডাধীশৰ তদন্তত দৰমহাৰ বিলৰ পৰা বিদ্যালয়খনৰ বিভিন্ন দিশত হোৱা খেলিমেলিৰ তথ্য পোহৰলৈ আহে । ৰঙিয়াৰ মহকুমাধিপতি জাভিৰ ৰাহুল সুৰেশৰ প্ৰতিবেদনৰ ভিত্তিত কামৰূপ গ্ৰাম্য জিলাৰ বিদ্যালয়সমূহৰ পৰিদৰ্শকে ৰঙিয়া থানাত এই সন্দৰ্ভত গোচৰ ৰুজু কৰে ।