দক্ষিণ কামৰূপ, 1 ডিচেম্বৰঃ সমগ্ৰ দেশৰ লগতে গুৱাহাটীৰ নাতিদূৰত অৱস্থিত ৰাণী পাটগাঁৱস্থ বিএছএফৰ গুৱাহাটী ফ্ৰণ্টীয়াৰৰ মুখ্য কাৰ্য্যলয়ত বিএচএফৰ ৫৬ সংখ্যক প্ৰতিষ্ঠা দিৱসৰ উপলক্ষে মঙলবাৰে এখন সংবাদ মেল আয়োজন কৰা হয় । সংবাদ মেলত বিএছএফৰ মহা পৰিদৰ্শক ৰাজেশ কুমাৰে ভাৰত বাংলাদেশ সীমান্তৰ সুৰক্ষাৰ ক্ষেত্ৰত বিএচএফে গ্ৰহণ কৰা গুৰুত্বপূৰ্ণ ভূমিকাৰ সন্দৰ্ভত আলোকপাত কৰে ।
গুৱাহাটী ফ্ৰণ্টীয়াৰ মুখ্য কাৰ্য্যলয়ত বিএচএফৰ ৫৬ সংখ্যক প্ৰতিষ্ঠা দিৱস
তেওঁ কয়, সীমান্তত গৰুৰ চোৰাং বেহাকে ধৰি গাড়ীৰ পাৰ্টছ, ফেন্সীডাইল, কাপোৰ আদিৰ চোৰাং ব্যৱসায় ৰোধৰ ক্ষেত্ৰত গুৰুত্বপূৰ্ণ পদক্ষেপ গ্ৰহণ কৰা হৈছে । ভাৰত বাংলাদেশ সীমান্তৰ ব্ৰহ্মপুত্ৰৰ নদী সীমা অঞ্চলৰ সুৰক্ষা এক প্ৰত্যাহ্বান । বানপানীৰ সময়ত আৰু শীতৰ বতৰত সীমান্তত চোৰাং বেহা অধিক বৃদ্ধি হয় বুলি জানিবলৈ দিয়ে ৰাজেশ কুমাৰে ৷