সমনীয়াৰ সৈতে গা ধুবলৈ গৈ সলিল সমাধি যুৱকৰ

বকোৰ শিৰাং নৈত সমনীয়াৰ সৈতে গা ধুবলৈ গৈ সলিল সমাধি ঘটিল ধ্ৰুৱ ৰয় নামৰ এজন যুৱকৰ ৷ যুৱকজনে সাঁতুৰিব নজনাৰ বাবে এই ঘটনা সংঘটিত হোৱাৰ কথা উল্লেখ কৰিলে যুৱকজনৰ বন্ধুকেইজনে ৷

বকো,10ছেপ্টেম্বৰ:বকোৰ খলিহা মাজপাৰাত অঘটন ৷ সমনীয়াৰ সৈতে গা ধুবলৈ গৈ সলিল সমাধি ঘটিল এজন যুৱকৰ ৷ যুৱকজন ধ্ৰুৱ ৰয় বুলি চিনাক্ত ৷

প্ৰাপ্ত তথ্য অনুসৰি, বুধবাৰে দুপৰীয়া সমনীয়াৰ সৈতে শিংৰা নৈত গা ধুবলৈ গৈছিল ধ্ৰুৱ ৰয় ৷ সমনীয়াৰ সৈতে গা ধুই থকা অৱস্থাতে নৈত উটি যায় যুৱকজন ৷ বন্ধুকেইজনে ধ্ৰুৱক বচাবলৈ চেষ্টা কৰে যদিও বিফল হয় ৷ বন্ধুকেইজনৰ মন্তব্য অনুসৰি মৃত ধ্ৰুৱই নাজানিছিল সাতুৰিব, যাৰ বাবে সংঘটিত হয় এই শোকাৱহ দুৰ্ঘটনাটো ৷

অন্য এক খবৰৰ বাবে: আজি আনুষ্ঠানিকভাৱে IAF ত সংযোজিত হ'ব ৰাফেল এয়াৰক্ৰাফ্ট

ইফালে, এই ঘটনা সংঘটিত হোৱাৰ খবৰ পোৱাৰ পাছতেই অতি তৎপৰতাৰে স্থানীয় ৰাইজে যুৱকজনক নদীৰ পৰা মৃত অৱস্থাত উদ্ধাৰ কৰে ৷ ঘটনাস্থলীত বকো আৰক্ষী উপস্থিত হোৱাৰ লগতে মৃতদেহৰ মৰণোত্তৰ পৰীক্ষাৰ ব্যৱস্থা কৰে ৷ ঘটনা সন্দৰ্ভত ইতিমধ্যে আৰক্ষীয়ে চলাইছে তদন্ত ৷