বকো, 7 অক্টোবৰ : বকোৰ বন্দাপাৰাত মহা অষ্টমীৰ নিশা 17 নং ৰাষ্ট্ৰীয় ঘাইপথত এক ভয়াবহ পথ দুৰ্ঘটনা সংঘটিত হয় । তীব্ৰ বেগী য়ামাহা এফ জেড মটৰচাইকেলে চলন্ত ট্ৰাকৰ পিছত খুন্দা মৰাত গুৰুতৰভাৱে আঘাতপ্ৰাপ্ত হয় দুই বাইক আৰোহী মৃদুল সৰকাৰ আৰু অনুপম পাঠক । যুৱকদ্বয়ৰ ঘৰ ছমৰীয়াত বুলি জানিব পৰা গৈছে ।
বকোত পথ দুৰ্ঘটনা : আহত দুই বাইক আৰোহী - চলন্ত ট্ৰাকৰ পিছত খুন্দা
বকোৰ বন্দাপাৰাত মহা অষ্টমীৰ নিশা 17 নং ৰাষ্ট্ৰীয় ঘাইপথত এক ভয়াৱহ পথ দুৰ্ঘটনা সংঘটিত হয় । তীব্ৰ বেগী য়ামাহা এফ জেড মটৰচাইকেলে চলন্ত ট্ৰাকৰ পিছত খুন্দা মৰাত গুৰুতৰভাৱে আঘাতপ্ৰাপ্ত হয় দুই বাইক আৰোহী মৃদুল সৰকাৰ আৰু অনুপম পাঠক ।
আহত দুই বাইক আৰোহী
ঘটনাৰ পাছতে বকো আৰক্ষী আৰু স্থানীয় ৰাইজে সংকটজনক অৱস্থাত দুই যুৱকক বকো প্ৰাথমিক স্বাস্থ্য কেন্দ্ৰত ভৰ্তি কৰায় । ঘটনা সংঘটিত হোৱাৰ পাছতে ট্ৰাকখন পলায়ন কৰিছিল যদিও বকো থানাৰ ভাৰপ্ৰাপ্ত বিষয়া যোগেন্দ্ৰ বৰ্মনৰ নেতৃত্বত যোৱা এটা দলে 17 নং ৰাষ্ট্ৰীয় ঘাইপথৰ ট্ৰাকখন জব্দ কৰিবলৈ সক্ষম হয় । আঘাতপ্ৰাপ্ত যুৱকদ্বয়ক নিশাই উন্নত চিকিৎসাৰ বাবে গুৱাহাটী চিকিৎসা মহাবিদ্যালয়লৈ প্ৰেৰণ কৰা হয় ।
বকোত পথ দুৰ্ঘটনা
Last Updated : Oct 7, 2019, 2:38 PM IST