গছত ওলমি থকা অৱস্থাত মৃতদেহ উদ্ধাৰ: হত্যাৰ সন্দেহ

ৰঙিয়াৰ আৰিমত্ত নগৰৰ এখন নিৰ্জন পথাৰৰ মাজত উদ্ধাৰ হৈছে বলৰাম দাস নামৰ লোকজনৰ মৃতদেহ ৷ প্ৰত্যক্ষদৰ্শীয়ে লোকজনক কোনোবাই হত্যা কৰাৰ সন্দেহ প্ৰকাশ কৰিছে ৷

ৰঙিয়া,4 মাৰ্চ: ৰঙিয়াৰ আৰিমত্ত নগৰত গছত ওলমি থকা অৱস্থাত উদ্ধাৰ হৈছে এটা মৃতদেহ ৷ আৰিমত্ত নগৰৰ এখন নিৰ্জন পথাৰৰ মাজত উদ্ধাৰ হৈছে বলৰাম দাস নামৰ লোকজনৰ মৃতদেহ ৷ ৰঙিয়াৰ ৭ নং ৱাৰ্ডত ভাড়াতীয়া হিচাপে পৰিয়ালৰ সৈতে বসবাস কৰি আহিছিল মৃত বলৰাম দাসে । এই ঘটনাৰ প্ৰত্যক্ষদৰ্শীয়ে লোকজনক কোনোবাই হত্যা কৰাৰ সন্দেহ প্ৰকাশ কৰিছে ৷

গছত ওলমি থকা অৱস্থাত মৃতদেহ উদ্ধাৰ, হত্যাৰ সন্দেহ

পৰৱৰ্তী সময়ত ঘটনাস্থলীত আৰক্ষী উপস্থিত হৈ মৃতদেহটো উদ্ধাৰ কৰাৰ লগতে ঘটনাস্থলীৰ পৰা টৰ্চ, চেণ্ডেল আৰু গামোচা উদ্ধাৰ কৰে । দৰিদ্ৰ লোকজনে আত্মহত্যা কৰিলে নে কোনো লোকে হত্যা কৰি এনেদৰে গছত ওলোমাই থ’লে সেয়া এতিয়াও স্পষ্ট হোৱা নাই । লোকজনৰ মৃত্যুৰ প্ৰকৃত কাৰণ মৰণোত্তৰ পৰীক্ষা আৰু আৰক্ষীৰ তদন্তৰ পাছতহে পোহৰলৈ আহিব ৷

লগতে পঢ়ক: নিৰ্বাচনী প্ৰচাৰৰ দৌৰত আন্তঃৰাষ্ট্ৰীয় আগৰ ব্যৱসায়ী