ছয়গাঁও, 21 আগষ্ট :ছয়গাঁও আৰক্ষীৰ আন এক বৃহৎ সাফল্য ৷ দক্ষিণ কামৰূপ আৰক্ষীৰ বাবে ম’ষ্ট ৱাণ্টেড হিচাপে পৰিচিত দুৰ্ধৰ্ষ গাড়ী চোৰ চক্ৰৰ তিনিজন লোকক আটক কৰাৰ পিচত আটকাধীন তিনিও গৰাকী গাড়ী চোৰৰ কবলৰ পৰা চুৰি গাড়ী উদ্ধাৰ কৰাৰ বাবে ছয়গাঁও আৰক্ষীয়ে অব্যাহত ৰাখিছে তীব্ৰ অভিযান ৷ ইতিমধ্যে, ছয়গাঁও আৰক্ষী থানাৰ ভাৰপ্ৰাপ্ত বিষয়া কপিল পাঠকৰ নেতৃত্বত যোৱা 18 আগষ্টত চলোৱা এক অভিযানত তিনিজন দুৰ্ধৰ্ষ বাইক চোৰ গ্ৰেপ্তাৰ কৰাৰ লগতে তিনিখন বাইক জব্দ কৰিবলৈ সক্ষম হয় আৰক্ষীয়ে ।
গৰৈমাৰীৰ হাতীপাৰাৰ ৰফিকুল ইছলামৰ লগতে ৰফিকুলৰ সহযোগী আবিদুল্লাকো আৰক্ষীয়ে আটক কৰে । আৰক্ষীয়ে দুয়োজনকে জেৰা কৰি পোৱা তথ্যৰ ভিত্তিত নিশা বকোৰ জাউৰীয়াকাটাত অভিযান চলাই কাদেৰ আলীক আটক কৰে আৰু চোৰজনৰ ঘৰৰ পৰা দুখন বাইক উদ্ধাৰ কৰিবলৈ সক্ষম হয় ৷ ইফালে, 19 আগষ্টত তিনিও গৰাকীকে আদালতত হাজিৰ কৰোৱাৰ পিচত আৰক্ষীয়ে 7 দিনৰ বাবে নিজৰ জিন্মালৈ আনে ৷