আজাৰা, 26 অক্টোবৰ:বিজয়া দশমীৰ আনন্দ উল্লাসৰ মাজতে দক্ষিণ কামৰূপত সংঘটিত এক দুৰ্ঘটনাত দুগৰাকী যুৱক গুৰুতৰভাৱে আহত হৈছে ৷ দক্ষিণ কামৰূপৰ বাটৰহাটত এখন যাত্ৰীবাহী মেজিক আৰু মটৰ চাইকেলৰ মাজত হোৱা সংঘৰ্ষৰ ফলত যুৱক দুগৰাকী গুৰুতৰভাৱে আঘাতপ্ৰাপ্ত হয় ৷ আহত যুৱক দুগৰাকী পলাশবাৰীৰ বিশ্ব দাস আৰু ৰাতুল দাস বুলি জানিব পৰা গৈছে ৷
দক্ষিণ কামৰূপত মটৰচাইকেল আৰু মেজিকৰ সংঘৰ্ষ
মটৰচাইকেল আৰু মেজিকৰ সংঘৰ্ষত দুই যুৱক গুৰুতৰভাৱে আহত ৷ দক্ষিণ কামৰূপৰ বাটৰহাটত এই দুৰ্ঘটনা সংঘটিত হৈছে ৷ আহত দুয়োগৰাকীকে মিৰ্জাস্থিত অসামৰিক চিকিৎসালয়লৈ প্ৰেৰণ কৰা হয় যদিও আঘাত গুৰুতৰ হোৱাত জিএমচিএইচলৈ প্ৰেৰণ ৷
![দক্ষিণ কামৰূপত মটৰচাইকেল আৰু মেজিকৰ সংঘৰ্ষ দক্ষিণ কামৰূপত বাইক আৰু মেজিকৰ সংঘৰ্ষ](https://etvbharatimages.akamaized.net/etvbharat/prod-images/320-214-9320198-867-9320198-1603719445833.jpg)
ছয়গাঁৱলৈ দশমীৰ পূজা চাবলৈ গৈ থকা অৱস্থাতে দুই বাইক আৰোহী বাটৰহাটৰ ৰিলায়েঞ্চ তেল ডিপুৰ সন্মুখত দুৰ্ঘটনাত পতিত হয় ৷ জানিব পৰা মতে গুৱাহাটীৰ পৰা গোৱালপাৰা অভিমুখী AS-25EC-3664 মেজিক ভানখনৰ সৈতে একেটা দিশেৰে তীব্ৰবেগেৰে গৈ থকা AS-01EB -9451 নম্বৰৰ পালচাৰ বাইকৰ সংঘৰ্ষ হোৱাৰ ফলতেই দুৰ্ঘটনাটো সংঘটিত হয় ৷ দুৰ্ঘটনাস্থলীত বিজয়নগৰ আৰক্ষী উপস্থিত হৈ দুয়োগৰাকী যুৱককে মিৰ্জা অসামৰিক চিকিৎসালয়লৈ প্ৰেৰণ কৰে যদিও আঘাত গুৰুতৰ হোৱাত দুয়ো যুৱকক জিএমচিএইচলৈ প্ৰেৰণ কৰা হয় ৷
লগতে পঢ়ক:ক'ভিড প্ৰট'কল মানি কাছমাৰী ঘাটত দেৱী বিসৰ্জন