বাইহাটাত বৃহৎ ৰেলীৰে চমক ভুৱনেশ্বৰ কলিতাৰ

মঙ্গলদৈ লোকসভা সমষ্টিৰ কংগ্ৰেছ দলৰ প্ৰাৰ্থী ভুৱনেশ্বৰ কলিতাই সোমবাৰে সমষ্টিটোৰ বাইহাটা চাৰিআলিৰ পৰা নলবাৰীলৈ এক বৃহৎ ৰোড শ্ব'ত অংশগ্ৰহণ কৰে ৷

বাইহাটা চাৰিআলি, 15 এপ্ৰিলঃ বিজেপিক হাইপ্ৰফাইল কেম্পেইনাৰৰ প্ৰয়োজন আছে, কংগ্ৰেছৰ নাই ৷ এক বৃহৎ ৰোড শ্ব'ত অংশগ্ৰহণ কৰি এই মন্তব্য কৰে মঙ্গলদৈ লোকসভা সমষ্টিৰ কংগ্ৰেছ দলৰ প্ৰাৰ্থী ভুৱনেশ্বৰ কলিতাই ৷

বিজেপিৰ হাইপ্ৰফাইল কেম্পেইনাৰৰ প্ৰয়োজন আছে, কংগ্ৰেছ দলৰ সেই প্ৰয়োজন হোৱা নাই । কংগ্ৰেছ দলে ঘৰে ঘৰে, দুৱাৰে দুৱাৰে গৈ চলাইছে নিৰ্বাচনী প্ৰচাৰ । সেয়ে কংগ্ৰেছ দলক হাই প্ৰফাইল নেতাৰ নিৰ্বাচনী প্ৰচাৰ চলোৱাৰ বাবে প্ৰয়োজন হোৱা নাই বুলি মন্তব্য কৰে মঙ্গলদৈ লোকসভা সমষ্টিৰ কংগ্ৰেছ দলৰ প্ৰাৰ্থী ভুৱনেশ্বৰ কলিতাই । বাইহাটা চাৰিআলিত এক ৰোড শ্ব'ত অংশগ্ৰহণ কৰি মঙ্গলদৈ লোকসভা সমষ্টিৰ পৰা কংগ্ৰেছ দলৰ জয় নিশ্চিত বুলিও উল্লেখ কৰে ।

আনহাতে ভুৱনেশ্বৰ কলিতাৰ সৈতে ৰোড শ্ব'ত অংশগ্ৰহণ কৰি কেতবোৰ গুৰুত্বপূৰ্ণ মন্তব্য কৰে জ্যেষ্ঠ কংগ্ৰেছী তথা অসম প্ৰদেশ কংগ্ৰেছ কমিটিৰ সাধাৰণ সম্পাদক কিশোৰ ভট্টই ৷ অগপৰ কেইজন মান ক্ষমতা লিপ্সা থকা নেতাই বিজেপিৰ ওচৰত আঁঠু ল'লেও তৃণমূল পৰ্যায়ৰ কৰ্মী সকলে জাতীয় চেতনাক প্ৰাধান্য দিব বুলি উল্লেখ কৰে অসম প্ৰদেশ কংগ্ৰেছ কমিটিৰ সাধাৰণ সম্পাদকগৰাকীয়ে । অগপৰ তৃণমূল কৰ্মী সকলে ক্ষমতাৰ লিপ্সা থকা নেতা সকলৰ কথা মতে উঠা বহা নকৰে বুলিও উল্লেখ কৰে সাধাৰণ সম্পাদক গৰাকীয়ে ।