ৰঙিয়া,২৩ মাৰ্চ: শাসকীয় দলৰ প্ৰাৰ্থীৰ সমান্তৰালকৈ মহাজোঁট সমৰ্থিত প্ৰাৰ্থীসকলেও নিৰ্বাচনী প্ৰচাৰ তীব্ৰতৰ কৰি তুলিছে । মঙলবাৰে ৰঙিয়াৰ কনিহাত চিপিআই(এম) ৰ প্ৰাৰ্থী ডাঃ ভগৱান দেৱ মিশ্ৰই নিৰ্বাচনী প্ৰচাৰ চলায় । ৫৭ নং বিধানসভা সমষ্টিত ৮৫ হাজাৰ ভোট লাভ কৰি তেওঁ জয়ী হ'ব বুলি দাবী কৰে ।
লগতে মহাজোঁট সমৰ্থিত প্ৰাৰ্থী গৰাকীয়ে জলসিঞ্চন মন্ত্ৰী তথা ৰঙিয়া বিধানসভা সমষ্টিৰ বিজেপি প্ৰাৰ্থী ভৱেশ কলিতাক তীব্ৰ সমালোচনা কৰে । তেওঁ কয় যে, ভৱেশ কলিতাই কিমান সাঁতুৰিব পাৰে সেয়া নিৰ্বাচনৰ বিষয় নহয় । নিৰ্বাচন এক ৰাজনৈতিক সংগ্ৰাম । লগতে ৰাজনৈতিক সংগ্ৰামত সাঁতুৰবিদ হোৱাৰ প্ৰয়োজন নাই বুলিও তেওঁ মন্তব্য কৰে ।
ৰঙিয়াত চি পি আই(এম) প্ৰাৰ্থী ডাঃ ভগৱান দেৱ মিশ্ৰৰ নিৰ্বাচনী প্ৰচাৰ