দক্ষিণ কামৰূপৰ মিৰ্জাত উদযাপন বাসন্তী পুজা

মিৰ্জাৰ বাসন্তী পূজাৰ এইবাৰ 92 তম বৰ্ষ ৷

মিৰ্জা, 13 এপ্ৰিল: দক্ষিণ কামৰূপৰ মিৰ্জাত উদযাপন বাসন্তী পূজা । মিৰ্জাৰ মনপুৰস্থিত শ্ৰীশ্ৰী বাসন্তী দেৱীৰ মন্দিৰত বৃহস্পতিবাৰৰ পৰা 4 দিনীয়া বৰ্ণাঢ্য কাৰ্যসূচীৰে আৰম্ভ হৈছে মা বাসন্তী দেৱীৰ পূজা । তদুপলক্ষে শনিবাৰে মহাঅষ্টমী উপলক্ষে দেৱীৰ চৰণত আশীষ ল’বলৈ পুৱাৰে পৰা ভক্তৰ লানি-নিছিগা সোঁত বোৱা দেখা গৈছে । ধুপ-ধুনা,চাকি-বন্তি জ্বলাই মনৰ কামনা পূৰণৰ বাবে মাৰ আশীৰ্বাদ ল'লে ভক্তই । 7 খন গাওঁৰ ৰাইজে একলগ লগ লাগি এই পূজাখন পৰম্পৰা অনুসৰি উদযাপিত কৰি আহিছে । পৰম্পৰা অনুসৰি উদযাপিত হৈ অহা এই বাসন্তী পুজা এইবাৰ 92 তম বৰ্ষত ভৰি দিছে ।