ৰঙিয়া, 18 জুনঃ ৰঙা চীনৰ বিৰুদ্ধে ক্ষোভত জ্বলিছে সমগ্ৰ দেশ ৷ সীমা বিবাদক কেন্দ্ৰ কৰি সোমবাৰে লাডাখৰ গালৱান সীমান্তত ভাৰতীয় সেনা আৰু চীনা সেনাৰ সংঘৰ্ষৰ পাছতেই চীনৰ বিৰুদ্ধে সমগ্ৰ দেশতেই সৃষ্টি হৈছে প্ৰতিক্ৰিয়াৰ ৷ চীনা সামগ্ৰী বৰ্জনেৰে চীনৰ বিৰুদ্ধে পৰোক্ষ অৰ্থনৈতিক যুদ্ধৰ আহ্বান জনাইছে দেশবাসীয়ে ৷ কামৰূপ জিলাৰ ৰঙিয়াতো ৰঙা চীনৰ বিৰুদ্ধে বৃস্পতিবাৰে প্ৰতিবাদ সাব্যস্ত কৰে বজৰং দলৰ কৰ্মী সকলে ৷ হাতে হাতে প্লে কাৰ্ড লৈ ৰাইজক চীনৰ সামগ্ৰী বৰ্জন কৰাৰ বাবে আহ্বান জনালে সংগঠনটোৱে ৷ সোমবাৰে দুয়ো দেশৰ সেনা বাহিনীৰ সংঘৰ্ষত 20 জন জোৱান শ্বহীদ হোৱাৰ লগতে গুৰুতৰ ভাৱে আঘাতপ্ৰাপ্ত হৈ চিকিৎসাধীন অৱস্থাত আছে 45 জন জোৱান ৷
চীনৰ বিৰুদ্ধে ক্ষোভিত জনসাধাৰণ