বুঢ়া কাণ্ডঃ সদৌ অসম গৰিয়া যুৱ ছাত্ৰ পৰিষদৰ ৰাষ্ট্ৰীয় ঘাই পথ অৱৰোধ

বাইহাটা চাৰিআলিত উত্তাল প্ৰতিবাদ । বাইহাটা চাৰিআলিত সদৌ অসম গৰিয়া যুৱ ছাত্ৰ পৰিষদৰ ৰাষ্ট্ৰীয় ঘাই পথ অৱৰোধ কাৰ্যসূচী ৷

বাইহাটা চাৰিআলি,19 ছেপ্টেম্বৰঃ বুঢ়া আৰক্ষী চকীৰ উপ পৰিদৰ্শক মহেন্দ্ৰ শৰ্মা আৰু কনিষ্টৱল বিনিতা বড়োক গ্ৰেপ্তাৰ কৰাৰ লগতে ৰফুল আলীক শাস্তি প্ৰদানৰ দাবীত সদৌ অসম গৰিয়া যুৱ ছাত্ৰ পৰিষদে বৃহস্পতিবাৰে বাইহাটা চাৰিআলিত ৰাষ্ট্ৰীয় ঘাই পথ অৱৰোধ কাৰ্যসূচী গ্ৰহণ কৰে ৷ সংগঠনটোৰ দুই শতাধিক সদস্যই অংশ লোৱা এই পথ অৱৰোধ কাৰ্যসূচীয়ে উত্তাল কৰি তোলে পৰিৱেশ । দোষীক শাস্তি দিয়ক, অভিযুক্ত ৰফুল আলীক উচিত শাস্তি দিয়ক, আৰক্ষী বিষয়া মহেন্দ্ৰ শৰ্মা আৰু কনিষ্টৱল বিনিতা বড়োক গ্ৰেপ্তাৰ কৰক আদি শ্লোগান দি পৰিৱেশ উত্তাল কৰি তোলে । সংগঠনটোৱে 31 আৰু ১৫ নং ৰাষ্ট্ৰীয় ঘাইপথ দুটা অৱৰোধ কৰাৰ ফলত বহু যান-বাহন আৱদ্ধ হৈ পৰে ৷