শীঘ্ৰে সম্পূৰ্ণ হ'ব বাইহাটাৰ তীখা প্ৰকল্পৰ নিৰ্মাণ

লোক সভাৰ সাংসদ দিলীপ শইকীয়াৰ লগ লাগি তীখা প্ৰকল্পটো পুনৰ নিৰ্মাণৰ চেষ্টা চলাব বুলি জনায় নৱ নিৰ্বাচিত ৰাজ্য সভাৰ সাংসদ বীৰেন্দ্ৰ প্ৰসাদ বৈশ্যই ৷

বাইহাটা,১১ জুনঃ শীঘ্ৰে বাইহাটা চাৰিআলিৰ দ গাঁও তীখা প্ৰকল্পটো সম্পূৰ্ণ কৰাৰ চেষ্টা কৰিব নৱ নিৰ্বাচিত ৰাজ্য সভাৰ সাংসদ বীৰেন্দ্ৰ প্ৰসাদ বৈশ্যই । লোকসভাৰ সাংসদ হৈ থকা সময়তে তীখা প্ৰকল্পটিৰ আধাৰশিলাৰ লগতে কিছু নিৰ্মাণ কাৰ্যও সম্পন্ন হৈছিল । কিন্তু ৰাজনৈতিক মেৰপাকত প্ৰকল্পটিৰ নিৰ্মাণ সম্পূৰ্ণ হোৱাৰ বিপৰীতে জহি খহিহে যাবলৈ ধৰে । সেয়ে এইবাৰ পুনৰ ৰাজ্য সভাৰ সাংসদ নিৰ্বাচিত হোৱাত লোক সভাৰ সাংসদ দিলীপ শইকীয়াৰ লগ লাগি পুনৰ নিৰ্মাণৰ চেষ্টা চলাব । বাইহাটাৰ পুঠিমাৰীত নৱ নিৰ্বাচিত সাংসদগৰাকীয়ে এক সম্বৰ্ধনা অনুষ্ঠানত উপস্থিত থাকি সাংবাদিকৰ আগত এই মন্তব্য কৰে ৰাজ্যসভাৰ সাংসদগৰাকীয়ে ।