কমলপুৰত কেন্দ্ৰীয়ভাবে উদযাপন স্বাধীনতা দিৱস

কমলপুৰ ৰাজহ চক্ৰ বিষয়াৰ কাৰ্যালয় প্ৰাংগনত কেন্দ্ৰীয়ভাবে উদযাপন কৰা স্বাধীনতা দিৱসৰ পতাকা উত্তোলন কৰে চক্ৰ বিষয়া ড0 বেদাংগ তালুকদাৰে । স্বাধীনতা দিৱসৰ লগত সংগতি ৰাখি অনুষ্ঠিত কৰা হয় বিভিন্ন সাংস্কৃতিক অনুষ্ঠানৰ লগতে স্কুলীয়া ছাত্ৰ ছাত্ৰীৰ মাজত চিত্ৰাঙ্কন প্ৰতিযোগিতা

কামৰূপ, 15 আগষ্টঃ সমগ্ৰ দেশৰ লগতে কামৰূপৰ কমলপুৰতো উলহ মালহেৰে পালন কৰা দেশৰ 73 সংখ্যক স্বাধীনতা দিৱস ৷ কমলপুৰ ৰাজহ চক্ৰ বিষয়াৰ কাৰ্যালয় প্ৰাংগনত কেন্দ্ৰীয়ভাবে উদযাপন কৰা স্বাধীনতা দিৱসৰ পতাকা উত্তোলন কৰে চক্ৰ বিষয়া ড0 বেদাংগ তালুকদাৰে । স্বাধীনতা দিৱসৰ লগত সংগতি ৰাখি অনুষ্ঠিত কৰা হয় বিভিন্ন সাংস্কৃতিক অনুষ্ঠানৰ লগতে স্কুলীয়া ছাত্ৰ ছাত্ৰীৰ মাজত চিত্ৰাঙ্কন প্ৰতিযোগিতা ।

আনহাতে, শ্বহীদ সুনীল কলিতাৰ পত্নী পদুমী কলিতাক সম্বাৰ্ধনা জনোৱাৰ লগতে শ্বহীদ পত্নীক অপমান কৰা কাশ্মীৰৰ যুৱক চাহিল আব্বাছক কাশ্মীৰৰ দুৰ্গম ঠাইৰ পৰা কৰায়ত্ব কৰিবলৈ সক্ষম হোৱা কমলপুৰ আৰক্ষী থানাৰ ভাৰপ্ৰাপ্ত বিষয়া মৃনাল কুমাৰ দাসকো সম্বৰ্ধনা জনায় ৷