বহি:ৰাজ্যৰ চোৰে নিদ্ৰাহৰণ কৰিছে ৰাজ্যবাসীক

চোৰৰ টাৰ্গেট এতিয়া লাখটকীয়া আইফোন । সময় সুবিধা অনুযায়ী এফালৰ চোৰে চলাইছে চাফাই অভিয়ান ৷ বিলাসী হোটেলত বাহৰ পাতি চুৰি কাৰ্যত লিপ্ত হোৱা বুলি জানিবপৰা গৈছে ৷

চাংসাৰি, 4 ফেব্ৰুৱাৰী: বহি:ৰাজ্যৰ চোৰৰ তাণ্ডৱত সম্প্ৰতি নিদ্ৰাহৰণ কৰিছে ৰাজ্যবাসীক । চোৰৰ টাৰ্গেট এতিয়া লাখটকীয়া আইফোন৷ প্ৰতিদিনেই সময় সুবিধা আৰু পৰিস্থিতিৰ সদব্যৱহাৰ কৰি এফালৰ পৰা চোৰে চলাই নিছে চাফাই অভিযান ৷ দুজন বহি:ৰাজ্যৰ চোৰে বিলাসী হোটেলত বাহৰ পাতি এই দুস্কাৰ্য্য কৰা চোৰ দুজন এইবাৰ চাংসাৰিৰ টোলগেটত ধৰা পৰে ।

উল্লেখ্য যে, হোটেল ৰেডিছন ব্লুত বাহৰ পতা পশ্চিম বংগৰ মাৰুবালীৰ ৰফিকুল আলম আৰু কামালুদ্দিন আহমেদে ইতিমধ্যে গুৱাহাটীৰ গড়চুক অঞ্চলৰ পৰা ৫টাতকৈও অধিক লাখটকীয়া আইফোন চোৰ কৰিছিল ৷ ইপিনে আটকধীন ধৃত চোৰ দুজনক চাংসাৰি থানাৰ পৰা ইতিমধ্যে গড়চুক থানালৈ প্ৰেৰণ কৰা হৈছে ।

লগতে পঢ়ক:অবৈধ কাঠফলা মিলৰ বিৰুদ্ধে বন বিভাগৰ অভিযান