বাইহাটা চাৰিআলিত শোকাবহ পথ দুৰ্ঘটনাত নিহত দুই

দেওবাৰে নিশা বাইহাটা চাৰিালিত সংঘটিত হয় ভয়ংকৰ পথ দুৰ্ঘটনা ৷ দুৰ্ঘটনাটোত দুজনকৈ লোকৰ থিতাতে মৃত্যু হয় ৷

বাইহাটা চাৰিআলি, 28 ছেপ্তেম্বৰঃ বাইহাটা চাৰিআলিত শোকাবহ পথ দুৰ্ঘটনা ৷ দেওবাৰে নিশা সংঘটিত দুৰ্ঘটনাটোত থিতাতে নিহত দুজনকৈ লোক ৷ গুৱাহাটীৰ পৰা গহপুৰ অভিমুখে গৈ থকা লোহাৰ ৰড ভৰ্তি ট্ৰাকখনৰ বিপৰীত দিশৰ পৰা অহা ট্ৰেইলাৰৰ সৈতে হোৱা মুখামুখী সংঘৰ্ষৰ ফলত সংঘটিত হয় দুৰ্ঘটনাটো ৷ দুৰ্ঘটনাৰ ফলত পথৰ দাতিৰ দ খাৱৈত বাগৰি পৰে ট্ৰাকখন ৷

ট্ৰাকখনত চালকৰ সৈতে আছিল তিনিজনকৈ আৰোহী ৷ দুৰ্ঘটনা সংঘটিত হোৱাৰ লগে লগে ট্ৰাক চালক আৰু আন এজন আৰোহী কোনোমতে ট্ৰাকৰ পৰা ওলাই আহিবলৈ সক্ষম হয় যদিও ট্ৰাকত থকা ৰডে পুতি পেলায় আন দুজন আৰোহীক ৷ ঘটনাস্থলীত বাইহাটা আৰক্ষী উপস্থিত হৈ এজন লোকৰ মৃতদেহ উদ্ধাৰ কৰিবলৈ সক্ষম হয় যদিও আন এজনক উদ্ধাৰ কৰিবলৈ সক্ষম হোৱা নাই ৷ বৰ্তমানো অব্যাহত আছে উদ্ধাৰ অভিযান ৷

লগতে পঢ়ক-মুখ্যমন্ত্ৰীক পদত্যাগৰ আহ্বান নীলমনি সেন ডেকাৰ