বাইহাটা চাৰিআলিত বেংক ডকাইতিঃ লুটি নিলে ৬.৪০ লাখ

কমলপুৰ আৰক্ষী থানাৰ অন্তৰ্গত বোৰ্কাত দিন দুপৰতে বন্ধন বেংকৰ ভিতৰত প্ৰৱেশ কৰি শূন্যলৈ গুলীচালনা কৰি ডকাইতৰ দলে লুটি নিলে ৬.৪০ লাখ টকা । বাইকত অহা দুটা দুৰ্বৃত্তই ঘটনা সংঘটিত কৰিলে এই ডকাইতি কাণ্ড ।

বাইহাটা, 9 নৱেম্বৰ: বাইহাটা চাৰিআলিত সংগঠিত হৈছে বেংক ডকাইতিৰ ঘটনা । কমলপুৰ আৰক্ষী থানাৰ অন্তৰ্গত বোৰ্কাত দিন দুপৰতে বন্ধন বেংকৰ ভিতৰত প্ৰৱেশ কৰি শূন্যলৈ গুলীচালনা কৰি ডকাইতৰ দলে লুটি নিলে ৬.৪০ লাখ টকা । বাইকত অহা দুটা দুৰ্বৃত্তই সংঘটিত কৰিলে এই ডকাইতিকাণ্ড । ঘটনাৰ খবৰৱ লাভ কৰি ঘটনাস্থলিত কমলপুৰ আৰক্ষীৰ লগতে উচ্চপদস্থ বিষয়া উপস্থিত হৈ আৰম্ভ কৰে তদন্ত । জানিব পৰা মতে, দুজনীয়া ডকাইতৰ দলটোৰ এজনে হাতত চোকা ডেগাৰ এখন লৈ বেংকলৈ অহা গ্ৰাহক সকলক ভিতৰলৈ সোমাই দিয়ে ।

অন্যজনে বেংকৰ ভিতৰত প্ৰবেশ কৰি মোনা এখন দলিয়াই দি সমুদায় ধন ভৰাবলৈ নিৰ্দেশ দিয়ে । বেংকৰ কৰ্মচাৰী সকলে প্ৰথমে অমান্তি হোৱাত শূন্যলৈ গুলী চালনা কৰে ডকাইতটোৱে । তাৰ পাছতে কৰ্মচাৰী সকলে সমুদায় ধন মোনাত ভৰাই ডকাইতৰ হাত তুলি দিয়ে । এই সকলোবোৰ দৃশ্য বন্দী হয় বেংকত থকা চিচি টিভি কেমেৰাত ।

লগতে পঢ়ক:ব্ৰহ্মপুত্ৰত জাপ দি আত্মহত্যাৰ হুংকাৰ ক’ভিড যোদ্ধাৰ