পৰিবহণ বিষয়া গৌতম দাসৰ সজাগতা অভিযান

লকডাউনৰ প্ৰতি পূৰ্ণ সহযোগ আমিনগাঁওবাসীৰ ৷ আমিনগাঁওৰ ৩১নং ৰাষ্ট্ৰীয় ঘাইপথত পৰিবহণ বিষয়া গৌতম দাসৰ সজাগতা অভিযান ৷ প্ৰশাসন,আৰক্ষী,স্বাস্থ্যকৰ্মী আৰু সংবাদকৰ্মীসকলক হাত চাপৰিৰে উৎসাহিত কৰিলে পৰিবহন বিষয়াগৰাকীয়ে ৷

কামৰূপ , 26 মাৰ্চঃদেশজুৰি বলবৎ হৈ আছে লক ডাউন ৷ দুদিন আগলৈকে দেশ সেৱাত ব্যস্ত হৈ থকা প্ৰত্যেকজনেই এতিয়া নিজ নিজ বাসগৃহত আবদ্ধ ৷ মৰিশালিৰ নিস্তব্ধতা বিৰাজ কৰিছে সদাব্যস্ত দেশৰ প্ৰতিটো প্ৰান্তত ৷ ব্যতিক্ৰম নহয় গুৱাহাটী মহানগৰী ৷ আন সকলো প্ৰান্তৰ লগতে সম্পূৰ্ণ নিস্তব্ধ সদাব্যস্ত আমিনগাঁও ৷ দেশ তথা ৰাজ্যক কৰ’ণা ভাইৰাছৰ ৰোষৰ পৰা ৰক্ষা কৰিবলৈ কেন্দ্ৰীয় চৰকাৰে ঘোষণা কৰা লক ডাউনৰ প্ৰতি সম্পূৰ্ণ সহযোগিতা আগবঢ়াইছে আমিনগাঁওবাসীয়ে ৷

বৃহস্পতিবাৰে পুৱাই অঞ্চবাসীক লকডাউনৰ প্ৰতি সজাগ কৰিবলৈ গুৱাহাটীৰ দুৱাৰমুখ আমিনগাঁওৰ ৩১নং ৰাষ্ট্ৰীয় ঘাইপথত উপস্থিত হয় কামৰূপ জিলা পৰিবহণ বিষয়া গৌতম দাস । প্ৰশাসন,আৰক্ষী,স্বাস্থ্যকৰ্মী আৰু সংবাদকৰ্মীসকলক সজাগ হৈ ৰাইজৰ বাবে কাম কৰিবলৈ আহ্বান জনায় বিষয়াগৰাকীয়ে ৷ লগতে এই জৰুৰী অৱস্থাত জনসাধাৰণ তথা সমাজৰ বাবে কাম কৰা সকলোকে হাত তালিৰে উৎসাহিত কৰে বিষয়াগৰাকীয়ে ৷

লগতে পঢ়কঃকৰ'ণাৰ সংক্ৰমণঃ বিশ্বৰ স্থিতি