দুলু আহমেদক কটাক্ষ ৰাজ্য়িক বিজেপিৰ সভাপতি ভৱেশ কলিতাৰ
ৰঙিয়া, 14 জুলাই:শেহতীয়াকৈ ৰাজ্যৰ ৰাজনৈতিক নেতাসকলৰ মাজত ব্যাপক হাৰত আৰম্ভ হৈছে অভিযোগ আৰু প্ৰতি-অভিযোগৰ খেল ৷ এইবাৰ অসম জাতীয় পৰিষদৰ উপ-সভাপতি দুলু আহমেদক তীব্ৰ কটাক্ষ ৰাজ্যিক বিজেপিৰ সভাপতি তথা ৰঙিয়াৰ বিধায়ক ভৱেশ কলিতাৰ ৷
দুলু আহমেদক পৰাজয়ৰ নায়ক আখ্যা দি ভৱেশ কলিতাই কয় যে দুলু আহমেদে এল পি স্কুলত পঢ়া ৷ উল্লেখ্য যে অসম জাতীয় পৰিষদৰ উপ-সভাপতি দুলু আহমেদে কিছুদিন পূৰ্বে ভৱেশ কলিতাৰ বিৰুদ্ধে কেতবোৰ অভিযোগ উত্থাপন কৰি আক্ৰমণৰ লক্ষ্য কৰি লৈছিল ৷
ইয়াৰ প্ৰতিক্ৰিয়া প্ৰকাশ কৰি ভৱেশ কলিতাই লগতে কয়, ‘‘দুলু আহমেদ কেজি, নাৰ্চাৰীতে আছে ৷ ৰঙিয়াৰ উন্নয়ন কিদৰে হৈছে ৰঙিয়াৰ ৰাইজে দেখা পাই ৷ সেইবিলাক হৈছে পৰাজয় নায়ক । যদি কোনোবা মুখ্যমন্ত্ৰী আহি কয় মই নিৰ্বাচন খেলিম তেতিয়া মই মন্তব্য কৰিম ৷’’