ৰঙিয়া, ২ নৱেম্বৰ: চৰকাৰী কাৰ্যালয় ব্যৱহাৰৰ নামত মইমতালি ৰঙিয়াৰ জনস্বাস্থ্য কাৰিকৰী বিভাগৰ একাংশ বিষয়াৰ । বিভাগীয়ভাৱে যোগান ধৰা সামগ্ৰীহে এই ভঁৰালটোত ৰখাৰ অনুমতি দিয়া হৈছে যদিও ইয়াত বিক্ৰীৰ বাবে ৰখা হৈছে পাইপ ।
ব্যৱসায়িক প্ৰতিষ্ঠানত পৰিণত ৰঙিয়াৰ জনস্বাস্থ্য কাৰিকৰী বিভাগৰ ভঁৰাল ঘৰ ঠিকাদাৰক বিক্ৰী কৰিবলৈ এনেদৰে চৰকাৰী ভঁৰালত পাইপ মজুত কৰি ৰাখিছে বিভাগীয় বিষয়াই । ৰঙিয়াৰ জনস্বাস্থ্য কাৰিকৰী বিভাগৰ দুই বিষয়া ক্ৰমে ভঁৰালৰ দায়িত্বত থকা সহকাৰী অভিযন্তা ৰবীন ভৰালী আৰু সহকাৰী কাৰ্যবাহী অভিযন্তা ৰম্যজ্যোতি শৰ্মাই চৰকাৰী ভঁৰালক ব্যৱসায়িক প্ৰতিষ্ঠানলৈ ৰূপান্তৰিত কৰাৰ অভিযোগ উত্থাপিত হৈছে ।
ব্যৱসায়িক প্ৰতিষ্ঠানত পৰিণত ৰঙিয়াৰ জনস্বাস্থ্য কাৰিকৰী বিভাগৰ ভঁৰাল ঘৰ জল জীৱন অভিযানৰ বাবে ঠিকা লাভ কৰা একাংশ ঠিকাদাৰৰ ওচৰত বিভাগীয়ভাৱে অনুমোদিত কোম্পানীৰ পাইপ বিক্ৰী কৰাৰ বাবে এনেদৰে বেপাৰ আৰম্ভ কৰিছে ধনলোভী দুই বিষয়াই । ইতিমধ্যে বিষয়া হোৱাৰ সুবাদতে এই দুই বিষয়াই বহুখিনি পাইপ বিক্ৰী কৰিছে এই ভঁৰালটোৰ পৰা ।
ব্যৱসায়িক প্ৰতিষ্ঠানত পৰিণত ৰঙিয়াৰ জনস্বাস্থ্য কাৰিকৰী বিভাগৰ ভঁৰাল ঘৰ সেউজীয়া ৰঙৰ পি পি আৰ পাইপ বিক্ৰী কৰি ধন ঘটি আহিছে এই দুই দুৰ্নীতিপৰায়ণ বিষয়াই । ইফালে, এই সন্দৰ্ভত বিভাগীয়ভাৱে ভঁৰালটোৰ দায়িত্বত থকা সহকাৰী অভিযন্তা ৰবীন ভঁৰালীক সোধাত তেওঁ ঠিকাদাৰৰ পাইপ ভঁৰালটোত ৰখাৰ কথা অকপটে স্বীকাৰ কৰে। কিন্তু পাইপ বিক্ৰী কৰাৰ বিষয়টো অস্বীকাৰ কৰে।
লগতে পঢ়ক:সংকটত মৰাপাট কলৰ শ্ৰমিক !
