অৰুণোদয় আঁচনিৰ পৰা বঞ্চিত বিশেষভাৱে সক্ষম লোক

ৰঙিয়াত অভিলাষী আঁচনি অৰুণোদয়ত দুৰ্নীতি সংঘটিত হোৱাৰ অভিযোগ উত্থাপন ৷ সোমবাৰে অৰুণোদয় আঁচনিৰ পৰা বঞ্চিত বিধৱা, অবিবাহিতা মহিলা, বিশেষভাৱে সক্ষম আৰু দৰিদ্ৰ লোকসকলে ৰঙিয়াৰ হৰদত্ত পঞ্চায়তৰ কাৰ্যালয়ত প্ৰতিবাদ সাব্যস্ত কৰে ৷

ৰঙিয়া,16 নৱেম্বৰ : সমগ্ৰ অসমৰ লেখীয়াকৈ ৰঙিয়াতো চৰকাৰৰ অভিলাষী আঁচনি অৰুণোদয়ত দুৰ্নীতি সংঘটিত হোৱাৰ অভিযোগ উত্থাপন ৷ ৰঙিয়া মহকুমাৰ কমলপুৰ সমষ্টিৰ অন্তৰ্গত হৰদত্ত গাঁও পঞ্চায়তত অৰুণোদয় আঁচনিৰ পৰা বঞ্চিত হৈছে বিধৱা, অবিবাহিতা মহিলা, বিশেষভাৱে সক্ষম আৰু দুখীয়া লোকসকলক । এই অভিযোগ উত্থাপন কৰিছে বঞ্চিত হিতাধিকাৰীসকলে ৷

প্ৰাপ্ত তথ্য অনুসৰি, ৰঙিয়াৰ 60 বছৰীয়া অবিবাহিতা তথা বিশেষভাৱে সক্ষম মহিলা কবিতা বড়ো, অলকা বড়ো, বিপুল দাস, বিশেষভাৱে সক্ষম দেবেন বড়ো আদিয়ে আজি পৰ্যন্ত লাভ নকৰিলে এই সুবিধা ৷ সেয়ে প্ৰাপ্যৰ পৰা বঞ্চিত এইসকল লোকে সোমবাৰে হৰদত্ত পঞ্চায়তৰ কাৰ্যালয়ত প্ৰতিবাদ সাব্যস্ত কৰে । অৰুণোদয় আঁচনিৰ দুৰ্নীতি বন্ধ কৰক, স্বজন-তোষণ বন্ধ কৰক, প্ৰাপ্যজনক বঞ্চিত কৰা নচলিব আদি ধ্বনিৰে হিতাধিকাৰীসকলে ক্ষোভ প্ৰকাশ কৰে ।

লগতে পঢ়ক :বনকৰা মহিলাই লুটিলে লক্ষাধিক টকা