ৰঙিয়া,১৯ মাৰ্চ:বিধানসভা নিৰ্বাচনৰ প্ৰাকক্ষণত ৰঙিয়াৰ এপ'ল মিলৰ শ্ৰমিক সন্থাৰ নিৰ্বাচন বৰ্জনৰ হুংকাৰ । দীৰ্ঘদিন ধৰি ভিআৰএছ প্ৰদানৰ দাবীত আন্দোলন কৰি অহা মিলটোৰ শ্ৰমিকসকলে শুকুৰবাৰে সংবাদমেল আয়োজন কৰি নিৰ্বাচনত ভোট বৰ্জনৰ সিদ্ধান্ত গ্ৰহণৰ কথা ঘোষণা কৰে । স্থানীয় বিধায়ক তথা জলসিঞ্চন মন্ত্ৰী ভৱেশ কলিতাক প্ৰতাৰক আখ্যা দি ক্ষোভিত হৈ পৰে শ্ৰমিক নেতৃবৃন্দ ।
ভোট বৰ্জনৰ হুংকাৰ এপ'ল মিলৰ শ্ৰমিক সন্থাৰ
বহু বছৰ ধৰি বন্ধ হৈ থকা মিলটোৰ শ্ৰমিকসকলক ভি আৰ এছ প্ৰদানৰ বাবে ৰাজ্য চৰকাৰে বাজেট অধিৱেশনত সিদ্ধান্ত গ্ৰহণ কৰিছিল । আনকি ভিআৰএছৰ বাবে পোন্ধৰ কোটি টকা ধাৰ্য কৰাৰ কথা বহুলভাবে প্ৰচাৰিত হৈছিল ।