ৰঙিয়া, ৮ ফেব্ৰুৱাৰী: এতিয়াৰে পৰা ঘৰতে বহি নতুনকৈ বিদ্যুৎ সংযোগৰ বাবে আবেদন জনাব পাৰিব গ্ৰাহকে । অনলাইনযোগে যাৱতীয় সকলো কাম-কাজ সম্পন্ন কৰিব শক্তি বিভাগে । ৰঙিয়াত অসম শক্তি বিতৰণ কোম্পানী লিমিটেডৰ বিষয়াই এক সংবাদমেল সম্বোধন কৰি এই কথা প্ৰকাশ কৰে । বিল পৰিশোধ তথা অভিযোগ দাখিলৰ ক্ষেত্ৰতো সৰলীকৰণৰ বাবে বিশেষ পদক্ষেপ গ্ৰহণ কৰিব বিভাগীয় কৰ্তৃপক্ষই ।
নতুনকৈ বিদ্যুৎ সংযোগৰ বাবে অনলাইনযোগে যাৱতীয় কাম কৰাৰ ব্যৱস্থা কৰিব শক্তি বিভাগে
ৰঙিয়া প্ৰেছ ক্লাবত সম্বোধন কৰা সংবাদমেলত চিজিএম অভিজিৎ শৰ্মা বৰুৱাই কয় যে,গ্ৰাহক সেৱা উন্নীত কৰাৰ বাবে এই পদক্ষেপ গ্ৰহণ কৰা হৈছে । আনহাতে,অঘটন সংঘটিত হোৱাৰ ক্ষেত্ৰত প্ৰতিক্ৰিয়া প্ৰকাশ কৰি তেওঁ কয় যে, ২০১৮ বৰ্ষত ৩৫৯ জন লোকৰ মৃত্যু হোৱাৰ বিপৰীতে ২০১৯ বৰ্ষত ১৫০ জনলৈ হ্ৰাস পায় । লগতে তেওঁ কয় যে,উপভোক্তাৰ সমস্যা সমাধানৰ বাবে অধিক গুৰুত্ব দিব অসম শক্তি বিতৰণ কোম্পানী লিমিটেডে।