বড়ো ভাষাত অনুৰাধা শৰ্মা পূজাৰীৰ 'হৃদয় এক বিজ্ঞাপন'

বিশিষ্ট সাংবাদিক তথা বিখ্যাত লেখিকা অনুৰাধা শৰ্মা পূজাৰী আজি উপস্থিত হ’ল বকোস্থিত জৱাহৰলাল নেহৰু মহাবিদ্যালয়ত। লেখিকাগৰাকীৰ প্ৰথমখন বিখ্যাত উপন্যাস 'হৃদয় এক বিজ্ঞাপন' অনুবাদ হ’ল বড়ো ভাষালৈ।

বকো,25 জানুৱাৰী : বিশিষ্ট সাংবাদিক তথা বিখ্যাত লেখিকা অনুৰাধা শৰ্মা পূজাৰী প্ৰথমখন জনপ্ৰিয় উপন্যাস 'হৃদয় এক বিজ্ঞাপন' নামৰ উপন্যাসখনে পালে নতুন ৰূপ ৷ লেখিকাগৰাকীৰ প্ৰথমখন বিখ্যাত উপন্যাস 'হৃদয় এক বিজ্ঞাপন' অনুবাদ হ’ল বড়ো ভাষালৈ ৷ এই উপন্যাসখন বড়ো ভাষালৈ অনুবাদ কৰিলে বকোৰ জৱাহৰলাল নেহৰু মহাবিদ্যালয়ৰ বড়ো মাধ্যমৰ সহকাৰী অধ্যাপিকা ভৈৰৱী বড়োৱে ৷ সোমবাৰে মহাবিদ্যালয়খনত বড়ো ভাষাত অনুবাদ কৰা এই উপন্যাসখন উন্মোচন কৰিবলৈ মহাবিদ্যালয়ত উপস্থিত হয় অনুৰাধা শৰ্মা পূজাৰী ৷

এই অনুষ্ঠানত উন্মোচক হিচাপে উপস্থিত থাকে গুৱাহাটী বিশ্ববিদ্যালয়ৰ লোক-সংস্কৃতি গৱেষণা বিভাগৰ মূৰব্বী অধ্যাপক ডঃ অনিল বড়ো লগতে উপস্থিত থাকে মহাবিদ্যালয়ৰ অধ্যক্ষ তপন দত্ত সহিতে মহাবিদ্যালয়ৰ বহু কেইগৰাকী অধ্যাপক,অধ্যাপিকা ৷

লগতে পঢ়ক:লভ জেহাদ : উত্তৰ প্ৰদেশ চৰকাৰৰ আবেদন অস্বীকাৰ উচ্চতম ন্যায়ালয়ৰ