কামৰূপ, 24 ডিচেম্বৰঃ ৰাজ্যত ঠায়ে ঠায়ে অব্যাহত আছে নাগৰিকত্ব সংশোধনী আইন বিৰোধী প্ৰতিবাদ ৷ ইয়াৰ মাজতে মঙলবাৰে কামৰূপ জিলাৰ চাৰিটা বিধানসভা সমষ্টিৰ খচৰা ভোটাৰ তালিকা প্ৰকাশ কৰা হয় ৷ কামৰূপ জিলাৰ উপায়ুক্তৰ কাৰ্যালয়ৰ সভাকক্ষত উপায়ুক্ত কমল কুমাৰ বৈশ্যৰ সঞ্চালনাত অনুষ্ঠিত কৰা হয় এখনি সভা ৷ উক্ত সভাতে 48 নং বকো, 49 নং ছয়গাঁও, 50 নং পলাশবাৰী আৰু 55 নং হাজো বিধানসভা সমষ্টিৰ ভোটাৰ তালিকা প্ৰস্তুত কৰা হয় ৷ ভোটাৰ তালিকা অনুযায়ী বকো বিধানসভা সমষ্টিত 2,16,683জন, ছয়গাঁও বিধানসভা সমষ্টিত 1,77204 জন, পলাশবাৰী বিধানসভা সমষ্টিত 1,49,172 জন আৰু হাজো বিধানসভা সমষ্টিত 1,69,334 জন ভোটাৰ অন্তৰ্ভূক্ত হৈছে ৷ ইয়াৰে 3,47,759 গৰাকী মহিলাৰ বিপৰীতে 3,64,612 পুৰুষ ভোটাৰ ৷
কামৰূপ জিলা উপায়ুক্তৰ সংবাদমেল