২৯ মাৰ্চলৈ বাতিল Druk Airৰ আন্তৰাষ্ট্ৰীয় বিমান

২৯ মাৰ্চলৈ বাতিল Druk Airৰ আন্তৰাষ্ট্ৰীয় বিমান ৷ কৰ'ণা ভাইৰাছৰ সন্ত্ৰাসৰ বাবেই এই সিদ্ধান্ত গ্ৰহণ ৷

দক্ষিণ কামৰূপ,20 মাৰ্চ: বিশ্বজুৰি অব্যাহত আছে কৰ'ণা ভাইৰাছৰ সন্ত্ৰাস ৷ এই মাৰাত্মক ভাইৰাছৰ প্ৰভাৱত এতিয়া স্থৱিৰ হৈ পৰিছে সমগ্ৰ বিশ্বৰে স্বাভাৱিক জীৱন যাত্ৰা৷ আন সমুহ দিশৰ লগতে স্থল,জল আৰু বায়ু পথৰ যাতায়ত ব্যৱস্থাটো ব্যাপক প্ৰভাৱ পৰিছে এই ভাইৰাছৰ ৷ কৰ'ণা ভাইৰাছৰ সন্ত্ৰাস তথা যাত্ৰীৰ সুৰক্ষাৰ প্ৰতি লক্ষ্য ৰাখি বাতিল কৰা হৈছে বহু আন্তৰাষ্ট্ৰীয় বিমান ৷

সমান্তৰালকৈ Druk Air কৰ্তৃপক্ষই বাতিল কৰিছে গুৱাহাটীলৈ অহা যোৱা কৰা সকলো আন্তৰাষ্ট্ৰীয় বিমান ৷ অহা ২৯ মাৰ্চলৈ বাতিল কৰা হৈছে এই বিমান সেৱা ৷ ভূটান,ছিংগাপুৰৰ পৰা গুৱাহাটীলৈ অহা-যোৱা কৰা আন্তৰাষ্ট্ৰীয় সকলো বিমান বাতিল কৰিছে কৰ্তৃপক্ষই ৷

লগতে পঢ়কঃ কোকৰাঝাৰত আছুৰ শ্বহীদ বেদীত উৰিল বিপিএফৰ পতাকা