অসমত মিত্ৰজোঁটে পাব 12খন আসন !

"প্ৰায় 4 লাখ ভোটৰ ব্যৱধানত জয়ী হ'ব মিত্ৰজোঁটৰ প্ৰাৰ্থী কুইন ওজা ৷"

গুৱাহাটী, 24 এপ্ৰিলঃ "প্ৰায় 4 লাখ ভোটৰ ব্যৱধানত জয়ী হ'ব মিত্ৰজোঁটৰ প্ৰাৰ্থী কুইন ওজা ৷ লগতে অসমত প্ৰায় 12 খন আসন পাবলৈ সক্ষম হ'ব মিত্ৰজোঁটে ৷" এই মন্তব্য অগপ নেতা ৰমেন্দ্ৰ নাৰায়ণ কলিতাৰ ৷ 23 এপ্ৰিলত গুৱাহাটীত তৃতীয় পৰ্যায়ৰ নিৰ্বাচন হৈ যোৱা পাচতে দৃঢ় বিশ্বাসেৰে এনেদৰে বুধবাৰে সংবাদ মাধ্যমৰ আগত মন্তব্য কৰে বিধায়ক গৰাকীয়ে ৷ লগতে অসমবাসী আৰু পশ্চিম গুৱাহাটীবাসীক ভোটদান কৰাৰ বাবে ধন্যবাদ দিয়ে ৰমেন্দ্ৰ নাৰায়ণ কলিতাই ৷ ভোটাৰৰ সঁহাৰিত সন্তুষ্ট বুলি মন্তব্য কৰি এইবাৰ ভোটাৰে নিৰ্বাচনক এক উৎসৱ হিচাপেও আঁকোৱালি লোৱা বুলি মন্তব্য কৰে অগপৰ সম্পাদকগৰাকীয়ে ।