ৰঙিয়া, 15 জুন : মঙলবাৰে ৰঙিয়াত উপস্থিত হৈ দৰিদ্ৰ ৰাইজৰ মাজত খাদ্য বিতৰণ (Food Distribute) কৰে জনপ্ৰিয় অভিনেতা ৰবি শৰ্মা (Ravi Sarma)ই ৷ ৰঙিয়াৰ অগ্ৰণী ব্যৱসায়িক প্ৰতিষ্ঠান এইছ এণ্ড কে (H & K)ৰ উদ্যোগত আয়োজন কৰা এক অনুষ্ঠানত অংশগ্ৰহণ কৰি দুখীয়া ৰাইজক খাদ্য সামগ্ৰীৰ যোগান ধৰে অভিনেতাগৰাকীয়ে ।
ৰঙিয়াত ৰবি শৰ্মাৰ খাদ্য সামগ্ৰী বিতৰণ
উল্লেখ্য যে, ক’ভিড (Covid)ৰ এই সংকটপূৰ্ণ সময়ত খাটি খোৱা শ্ৰেণীৰ বেছিভাগ লোকেই কৰ্ম সংস্থাপন হেৰুৱাই এসাঁজ খাই এসাঁজ লঘোণে থাকিবলগীয়া পৰিস্থিতিৰ সৃষ্টি হৈছে । তেনে লোকসকলৰ হাতত কিছু খাদ্য সামগ্ৰী তুলি দি সন্তোষ প্ৰকাশ কৰে অভিনেতা ৰবি শৰ্মাই । লগতে শীঘ্ৰেই কৰ’ণাৰ আতংকৰ পৰা পৰিত্ৰাণ পোৱাৰ আশা ব্যক্ত কৰে অভিনেতাগৰাকীয়ে ।