ৰঙাপাৰা,৩১ অক্টোবৰ : ৰেলপথেৰে তীব্ৰ বেগত আহি আছে এখন ৰেল । ডেকাৰ গাঁৱৰ পৰা কামাখ্যালৈ আহি আছে ৰেলখন । কিন্তু হঠাত সংঘটিত হ'ল এটা অভাৱনীয় ঘটনা । ৰেলখন বিন্দুগুড়ী ষ্টেচন পাৰ হোৱাৰ সময়তে ৰেলপথৰ ওপৰত অৱস্থান কৰে প্ৰায় ২৫ টা বন্যহস্তীয়ে । হাতীৰ উপস্থিতি প্ৰত্যক্ষ কৰিছিল এজন গেটমেনে । শংকিত নহৈ ততাতৈয়াকৈ গেটমেন জনে যোগাযোগ কৰে বিন্দুগুড়ী ষ্টেচনৰ বিষয় ববীয়াৰ সৈতে । তাৰ পাছতে হাতীৰ জাকটো কিছু নিলগত ৰখাই দিয়া হয় ৰেলখন । যদি ৰেলখন ৰখোৱা নহল হেতেন, তেন্তে বহু কেইটা হাতী হয়টো মৃত্যু মুখত পৰিলেহেতেন । কিন্তু গেটমেন জনৰ বিচক্ষণতা আৰু পশু প্ৰেমৰ বাবেই হাতী জাকটো এক নিশ্চিত বিপদৰ পৰা ৰক্ষা পৰে ।
নিশ্চিত বিপদৰ পৰা প্ৰাণ ৰক্ষা এজাক হাতীৰ