বাইহাটা, 2 জুলাইঃসংকটজনক অৱস্থাত আছে বাইহাটা চাৰিআলিৰ সমীপৱৰ্তী শালমাৰ অঞ্চলৰ এটা বিদ্যুতৰ খুটা ৷ এডাল জৰাজীৰ্ণ বাঁহৰ ওপৰত বৰ্তি আছে 11 হাজাৰ ভল্টৰ বিদ্যুৎ পৰিবাহী তাঁৰ ৷ যাক লৈ এতিয়া শংকিত হৈ পৰিছে সমগ্ৰ অঞ্চলবাসী ৷
অসম শক্তি বিতৰণ কোম্পানী, বাইহাটা চাৰিআলি সংমণ্ডলৰ অধীনত বিগত বৰ্ষৰ খৰালিতে স্থাপন কৰা হৈছিল বিদ্যুৎ পৰিবাহী তাঁৰ সংলগ্ন বাঁহৰ খুটাতো ৷ সম্প্ৰতি শালমাৰাৰ গোঁসাই ডোভা চুবুৰীৰ কাষৰ পথাৰৰ মাজৰে যোৱা উচ্চ ক্ষমতাসম্পন্ন বিদ্যুৎ পৰিবাহী তাঁৰ সংলগ্ন খুটাতো আছে জৰাজীৰ্ণ অৱস্থাত ৷ তললৈ ওলমি ৰৈছে বিদ্যুৎ পৰিবাহী তাঁৰবোৰো ৷ যিয়ে শংকা নমাই আনিছে মানুহ লগতে জীৱ-জন্তুলৈয়ো ৷ সম্প্ৰতি প্ৰাণৰ শংকাত ভোগা স্থানীয় লোকে চৰকাৰৰ ওচৰত আহ্বান জনাইছে ইয়াৰ এক বিকল্প ব্যৱস্থা অতি শীঘ্ৰেই গ্ৰহণ কৰিবলৈ ৷
লগতে পঢ়কঃচিৰাঙত আই নদীৰ গৰাখহনীয়াৰ ভয়াৱহ ৰূপ