স্বাৱ পৰীক্ষাৰ বাবে বকোৰ ৯ জনক পতঞ্জলী কোৱাৰান্টাইন কেন্দ্ৰলৈ প্ৰেৰণ

কেৰালাৰ পৰা বকোত উপস্থিত হয় ৯ জন যুৱক ৷ স্বাৱ নমুনাৰ ফলাফল নোলোৱা পৰ্যন্ত তেওঁলোকক কোৱাৰান্টাইন কেন্দ্ৰত ৰাখিব বুলি জানিবলৈ দিয়ে ।

বকো, 12 জুন:কেৰালাৰ কন্নুৰ জিলাৰ শ্ৰীকান্দাপুৰমৰ পৰা বাছেৰে আহি শুকুৰবাৰে বকোত উপস্থিত হয় ৯ জন যুৱক । বকো আৰক্ষীৰ তত্ত্বাৱধানত যুৱককেইজনক ততাতৈয়াকৈ পলাশবাৰীস্থিত পতঞ্জলী কোৱাৰান্টাইন কেন্দ্ৰলৈ স্বাৱ পৰীক্ষাৰ বাবে প্ৰেৰণ কৰা হয়। স্বাৱ নমুনাৰ ফলাফল নোলোৱা পৰ্যন্ত তেওঁলোকক কোৱাৰান্টাইন কেন্দ্ৰত ৰাখিব বুলি জানিবলৈ দিয়ে । যুৱককেইজন শ্ৰীকান্দাপুৰমত কোম্পানীৰ কৰ্মচাৰী হিচাপে কৰ্মৰত আছিল। যুৱক কেইজন ক্ৰমে বকো থানাৰ অন্তৰ্গত মন্দিৰা এন চিৰ মনোৱাৰ হুছেইন (২৪), চিৰাজুল হক (২১), ১ নং মালিবাৰী পথাৰৰ ৰফিকুল ইছলাম (২১), হাফিজুৰ ৰহমান (২০), ৩ নং মালিবাৰী পথাৰৰ চিৰাজুল হক (২০), বলিয়ামাৰী গাঁৱৰ নুৰ মহম্মদ হুছেইন (১৯), মনিৰুল ইছলাম (২২), মহম্মদ আজিজুল ইছলাম (২১), চেইখ আব্দুল্লাহ (৩২)।

লগতে পঢ়কঃউচ্চ ন্যায়ালয়ৰ নিৰ্দেশনা কাৰ্যকৰী কৰিবলৈ চৰকাৰক আহ্বান একাংশ অস্থায়ী স্বাস্থ্যকৰ্মীৰ