37 ৰাষ্ট্ৰীয় ঘাইপথত মহানগৰ জিলা পৰিবহন বিষয়াৰ দাদাগিৰি!!!

সমগ্ৰ দৃশ্যটো দেখি পৰিবহন বিভাগৰ লোক কেইজনক প্ৰশাসনে কি ব্যৱস্থা লয় সেয়াহে লক্ষনীয় হব

গুৱাহাটী, 9 এপ্ৰিলঃ ৩৭ নং ৰাষ্ট্ৰীয় ঘাইপথত কামৰূপ মহানগৰ জিলা পৰিবহন বিভাগৰ দাদাগিৰি ৷ তেল ভৰাবলৈ যোৱা ট্ৰাকৰ চালকক প্ৰহাৰ পৰিবহন বিষয়াৰ ৷

কামৰূপ মহানগৰ জিলা পৰিবহন বিষয়াৰ এটা দলে নিশা তেল ভৰাবলৈ যোৱা মালবাহী ট্ৰাকৰ পৰা চালকক নমাই আনি গতিয়াই দিয়াৰ লগতে বাহন খন ডিপোটোৰ পৰা খেদি পঠায় ৷ এই সমগ্ৰ দৃশ্য চিচি কেমেৰাত বন্দী হয় ৷ প্ৰশাসনৰ লোকে কোনো কাৰণ নোহোৱাকৈ যদি এনেধৰণে সাধাৰণ লোকৰ ওপৰত অত্যাচাৰ কৰে তেনেহ'লে প্ৰশাসনৰ ওপৰত আস্থা হেৰুওৱাটো কোনো ডাঙৰ কথা নহয় ৷ এতিয়া প্ৰশ্ন হয় সমগ্ৰ দৃশ্যটো দেখি পৰিবহন বিভাগৰ লোক কেইজনৰ বিৰুদ্ধে প্ৰশাসনে কি ব্যৱস্থা লয় সেয়া পৰৱৰ্তী সময়তহে গম পোৱা যাব ৷