30 অক্টোবৰৰ বিস্ফোৰণত প্ৰাণ হেৰুওৱা তোলেনক সুঁৱৰিলে পৰিয়ালে

সেই ভয়াৱহ ঘটনাত প্ৰাণ হেৰুৱাইছিল উত্তৰ গুৱাহাটী লেঙাৰ সৰবৰহী যুৱক তোলেন দাসে ৷ পানবজাৰত সংঘটিত হোৱা ধাৰাবাহিক বোমা বিস্ফোৰণত থিতাতে প্ৰাণ হেৰুৱাইছিল তোলেন দাসে ৷ পুৱাতেই কামলৈ বুলি ওলাই যোৱা তোলেন আৰু ঘূৰি নাহিল সুস্থ অৱস্থাত, আহিল নিথৰ দেহ হৈ ।

আমিনগাঁও, 30 অক্টোবৰঃ ইতিহাসৰ এটা কলংকিত দিন। 30 অক্টোবৰ,মহানগৰীত সংঘটিত হোৱা ধাৰাবাহিক বোমা বিস্ফোৰণৰ আজি 11 টা বছৰ অতিক্ৰম কৰিলে ৷ এই দিনটোতে অসমৰ বহু স্থানত উগ্ৰপন্থীয়ে সংঘটিত কৰিছিল ধাৰাবাহিক বোমা বিস্ফোৰণ। সমগ্ৰ অসমত 30 অক্টোবৰৰ ধাৰাবাহিক বিস্ফোৰণত মৃত্যু হৈছিল 81 জন নিৰীহ লোকৰ ৷ এই ক'লা দিনটোৰ কথা মনত পৰিলে দুৰ্ভগীয়া পৰিয়াল কেইটা আজিও উচুপি উঠে ৷ সেই ভয়াৱহ ঘটনাত প্ৰাণ হেৰুৱাইছিল উত্তৰ গুৱাহাটী লেঙাৰ সৰবৰহী যুৱক তোলেন দাসে ৷ পানবজাৰত সংঘটিত হোৱা ধাৰাবাহিক বোমা বিস্ফোৰণত থিতাতে প্ৰাণ হেৰুৱাইছিল তোলেন দাসে ৷ পুৱাতেই কামলৈ বুলি ওলাই যোৱা তোলেন আৰু ঘূৰি নাহিল সুস্থ অৱস্থাত, আহিল নিথৰ দেহ হৈ । তোলেনৰ স্মৃতিয়ে আজিও আমনি কৰে দুৰ্ভগীয়া পৰিয়ালটোক ৷ সেয়ে তোলেনে ব্যৱহাৰ কৰা চাইকেল খন আজিও সযতনে সাঁচি ৰাখিছে পৰিয়ালটোৱে ৷ বুধবাৰে তোলেনৰ প্ৰতিচ্ছবিৰ সন্মুখত চাকি বন্তি জ্বলাই সুঁৱৰিলে পৰিয়ালৰ লোকে ৷

লগতে চাওকঃ শক্তি বিভাগৰ আজৱ কাণ্ড, দিলে লক্ষাধিক টকাৰ বিল