বকোত পানীত পৰি দুই যুৱকৰ মৃত্যু

বকোত পানীত পৰি দুজনকৈ যুৱকৰ মৃত্যু ৷ মৃত যুৱক দুজন নৱ দাস (22) আৰু তপন দাস (14) ৷

বকো, 7 জুলাই : বকোৰ তিনিঘৰীয়াত অঘটন ৷ পানীত পৰি দুজনকৈ যুৱকৰ মৃত্যু ৷ মৃত যুৱক দুজন নৱ দাস (22) আৰু তপন দাস (14) ৷

ঘটনাৰ বিৱৰণী অনুসৰি, যুৱক দুজনে ঘৰৰ পাচফালে থকা খালত মাছ মাৰিবলৈ গৈছিল ৷ জেছিবিৰে খন্দা দ' খালত মাছ মাৰি থাকোতে প্ৰথমতে তপন দাস পানীত পৰি যায়৷ ইয়াৰ পাচত তপন দাসক উদ্ধাৰৰ বাবে নৱ দাসে পানীত জপিয়ায় ৷

কিন্তু, দূৰ্ভাগ্যক্ৰমে দুয়োগৰাকী যুৱকে পানীত ডুব গৈ শেষ নিশ্বাস ত্যাগ কৰে ৷ ঘটনাস্থলীত বকো আৰক্ষী উপস্থিত হৈ স্থানীয় ৰাইজৰ সহযোগত দুয়ো যুৱকৰ মৃতদেহ উদ্ধাৰ কৰে আৰু মৰোণোত্তৰ পৰীক্ষাৰ বাবে গুৱাহাটী মেডিকেল কলেজ হাস্পতাললৈ প্ৰেৰণ কৰে । এই ঘটনাৰ পাছত অঞ্চলটোত শোকৰ ছাঁ পৰিছে ৷

লগতে পঢ়ক :পুলৱামাত শ্বহীদ সেনা জোৱান, নিহত সন্ত্ৰাসবাদী