গুৱাহাটী,26 ফেব্ৰুৱাৰীঃ বহুদিনৰ পিছত একেলগে একেখন মঞ্চত দেখা গ’ল সাংস্কৃতিক জগতৰ সৈতে জড়িত দুই জনপ্ৰিয় ব্যক্তি পৱিত্ৰ মাৰ্ঘেৰিটা তথা শিল্পী জুবিন গাৰ্গক ৷ মঞ্চৰ পৰাই পৱিত্ৰ মাৰ্ঘেৰিটাক একপ্ৰকাৰ হুংকাৰ প্ৰদান কৰি জুবিনে কা বিৰোধী আন্দোলন পুনৰ আৰম্ভ কৰাৰ উল্লেখ কৰে । ইতিমধ্যে ৰাজ্যত চলি থকা দুটাকৈ গুৰুত্বপূৰ্ণ পৰীক্ষাৰ বাবেহে কা বিৰোধী আন্দোলন সাময়িকভাৱে স্থগিত ৰাখিছে বুলি প্ৰকাশ কৰে শিল্পী জুবিন গাৰ্গে ৷
পবিত্ৰ মাৰ্ঘেৰিটায়ে কা সমৰ্থন কৰাৰ বিপৰীতে জুবিনে পূৰ্বৰ দৰে নাগৰিকত্ব সংশোধনী আইনখনৰ বিৰোধিতা কৰি আহিছে ৷ গুৱাহাটী মহানগৰীত বুধবাৰে আয়োজিত এক অনুষ্ঠানত অংশগ্ৰহণ কৰি দুয়োগৰাকী ব্যক্তিয়ে কা সন্দৰ্ভত দুই মেৰুত অৱস্থান কৰা দেখা যায় ৷ লগতে অভিনেতা যতীন বৰাৰ সন্দৰ্ভত জুবিন গাৰ্গে যতীন বৰা কেতিয়াৰ পৰা প্ৰতিবাদী হ'ল বুলি তীব্ৰ কটাক্ষ কৰে ৷ শিল্পীগৰাকীয়ে নতুন ৰাজনৈতিক দল খোলাৰ প্ৰসংগত কোনো স্পষ্ট মত প্ৰকাশ কৰাৰ বিপৰীতে দল খুলিবলৈ অৰ্থৰ অভাৱ বুলি উল্লেখ কৰে ৷