মহানগৰীত নতুনকৈ মুকলি ফিল্ম ইনষ্টিটিউট

কৰ্মশালাত প্ৰশিক্ষক হিচাপে উপস্থিত থাকে অভিনেতা ৰবি শৰ্মা,অভিনেত্ৰী  জেৰিফা ৱাহিদ, পৰিচালক ঝুলন কুমাৰ মহন্ত আৰু ফটোগ্ৰাফাৰ অনুপ বৰুৱা

গুৱাহাটী, 4 আগষ্টঃ মহানগৰীত নতুনকৈ মুকলি ফিল্ম ইনষ্টিটিউট ৷ নৰ্থ-ইষ্ট ফিল্ম ইনষ্টিটিউট নামেৰে মহানগৰীৰ সুন্দৰপুৰত খোলা হৈছে এই ইনষ্টিটিউট ৷ তিনিমহীয়া, ছয়মহীয়া আৰু বাৰমহীয়া অভিনয়, ফটোগ্ৰাফী আৰু ছবি পৰিচালনাৰ ডিপ্ল'মা ক্লাছ ল'ব পাৰিব ইনষ্টিটিউটখনত ৷

আনহাতে, যোৱা 2 আগষ্টৰ পৰা 4 আগষ্টলৈ ইনষ্টিটিউটখনত যুৱ প্ৰজন্মক আগুৱাই নিয়াৰ উদ্দেশ্যেৰে বিনামূলীয়াকৈ তিনিদিনীয়া অভিনয়, ফটোগ্ৰাফী আৰু ছবি পৰিচালনাৰ কৰ্মশালা অনুষ্ঠিত কৰে ৷ কৰ্মশালাত প্ৰশিক্ষক হিচাপে উপস্থিত থাকে অভিনেতা ৰবি শৰ্মা,অভিনেত্ৰী জেৰিফা ৱাহিদ, পৰিচালক ঝুলন কুমাৰ মহন্ত আৰু ফটোগ্ৰাফাৰ অনুপ বৰুৱা ৷ লগতে কৰ্মশালাৰ অন্তিমটো দিনত উপস্থিত থাকে বলিউড অভিনেতা ৰাকেশ বেদী ৷