ভূতনাথত ৰে'লৰ চেপাত মহিলাৰ মৃত্যু

সোমবাৰে নিশা ভূতনাথত ৰে'লৰ খুন্দাত এগৰাকী মহিলাৰ মৃত্যু হয়৷ স্থানীয় লোকৰ সন্দেহ অনুসৰি মহিলা গৰাকীয়ে আত্মহত্যা কৰিছে ৷

গুৱাহাটী, 31 ডিচেম্বৰঃসোমবাৰে নিশা মহানগৰীৰ ভূতনাথত ৰে'লৰ খুন্দাত এগৰাকী মহিলাৰ মৃত্যু হয় ৷ মৃত মহিলা গৰাকী ভূতনাথৰ সীমা দেৱী বুলি চিনাক্ত কৰা হৈছে।

ৰে'ল লাইনত স্থানীয় ৰাইজে চূৰ্ণ বিচূৰ্ণ অৱস্থাত মহিলা গৰাকীৰ মৃতদেহটো প্ৰত্যক্ষ কৰি এই সন্দৰ্ভত অৰক্ষীক অৱগত কৰে ৷ পৰৱৰ্তী সময়ত কামাখ্যা জি আৰ পি ঘটনাস্থলীত উপস্থিত হৈ মৃতদেহটো উদ্ধাৰ কৰে ৷ আৰু মৃতদেহটো মৰণোত্তৰ পৰীক্ষাৰ বাবে গুৱাহাটী চিকিৎসা মহাবিদ্যালয়লৈ প্ৰেৰণ কৰে ৷ একাংশ লোকৰ সন্দেহ অনুসৰি মহিলা গৰাকীয়ে ৰে'লৰ আগত পৰি আত্মহত্যা কৰিছে ৷ কিন্তু আৰক্ষীৰ তদন্তৰ পিচতহে এয়া আত্মহত্যা নে দুৰ্ঘটনা সেয়া পোহৰলৈ আহিব ৷

লগতে পঢ়ক - ভাৰত ভূটান সীমান্তৰ আন্তঃৰাষ্ট্ৰীয় তোৰণ মুকলি