কাজিৰঙা ৰাষ্ট্ৰীয় উদ্যানৰ সমীপত পুনৰ বন্যহস্তীৰ তাণ্ডৱ

ৰাজ্যত অব্যাহত হাতী মানুহৰ সংঘাত ৷ কাজিৰঙা ৰাষ্ট্ৰীয় উদ্যানত হাতীৰ জাকৰ আক্ৰমণত বিধ্বস্ত এটা পৰিয়ালৰ বাসগৃহ

গুৱাহাটী,2 জুলাইঃ কাজিৰঙা ৰাষ্ট্ৰীয় উদ্যানৰ সমীপৰ ডিফলু পথাৰ গাঁৱত মঙলবাৰে পুৱা প্ৰায় ৩.১৫ বজাত কাজিৰঙাৰ পৰা ওলাই অহা এটা হাতীৰ জাকে বিস্তৰ ক্ষতি সাধন কৰে। ডিফলু পথাৰ গাঁৱৰ ৬নং ৱাৰ্ডৰ নিবাসী ভক্ত বাহাদুৰ ছেত্ৰীৰ ঘৰ ভাঙি থৈ যায় বনৰীয়া হাতীৰ জাকটোৱে ।

প্ৰতি বছৰে এনেদৰে হাতীয়ে তাণ্ডৱ চলোৱাৰ ফলত সৰ্বস্বান্ত হৈ গৈছে অঞ্চলটোৰ বাসিন্দাসকল ৷ বাৰে বাৰে এনে ধৰণৰ ঘটনা সংঘটিত হোৱাৰ পাচতো চৰকাৰ ফালৰ পৰা কোনো ব্যৱস্থা নোলোৱাত ক্ষোভিত হৈ পৰিছে অঞ্চলবাসী।