গুৱাহাটী,৩০ ডিচেম্বৰ :বহু বাদানুবাদ, বিতৰ্কৰ অন্তত বিধানসভাত বুধবাৰে গৃহিত হ'ল অসমত চৰকাৰী মাদ্ৰাছা বন্ধৰ বিধেয়ক। সদনত ২৮ ডিচেম্বৰত এই বিধেয়কখন উত্থাপন কৰা হৈছিল । আজি বিধানসভাত প্ৰায় দুঘন্টা বিধেয়কখনৰ ওপৰত হোৱা আলোচনাৰ অন্তত ইয়াক গৃহীত কৰা হয়। দুই বিৰোধী দল এ আই ইউ ডি এফ আৰু কংগ্ৰেছে এই বিধেয়কখনৰ তীব্ৰ বিৰোধ কৰাৰ লগতে ইয়াক চিলেক্ট কমিটিলৈ প্ৰেৰণ কৰিবলৈ চৰকাৰক আহ্বান জনাইছিল যদিও সদনত বিৰোধীৰ দাবী-অনুৰোধক সম্পূৰ্ণৰূপে নস্যাৎ কৰে চৰকাৰে ।
বিধানসভাত গৃহীত মাদ্ৰাছা বন্ধৰ বিধেয়ক:ন্যালয়ৰ কাষ চাপিব এ আই ইউ ডি এফ আনহাতে, এনে এখন বিধেয়ক সদনত গৃহীত হোৱাৰ বাবে আজিৰ দিনটো "ক’লা দিন" বুলি অভিহিত কৰিছে এআইইউডিএফে । তাৎক্ষণিক প্ৰতিক্ৰিয়া প্ৰকাশ কৰি এআইইউডিএফৰ বিধায়ক হাফিজ বছিৰ আহমেদ কাছিমী, হাফিজৰফিকুল ইছলাম আৰু আমিনুল ইছলামে কয় যে, চৰকাৰী ধনেৰে মাদ্ৰাছাত ধৰ্মীয় শিক্ষা দিয়া নহ’ব বুলি শিক্ষামন্ত্ৰীয়ে কৈছে । কিন্তু পশ্চিম বংগ, বিহাৰ, উত্তৰ প্ৰদেশ আদি বহু ৰাজ্যত চৰকাৰী ধনেৰেই মাদ্ৰাছা চলি আছে । অসমত চৰকাৰখনে আজি গাৰ জোৰেৰে বিধানসভাত মাদ্ৰাছা বন্ধৰ বিধেয়কখন গৃহীত কৰিলে বুলি মন্তব্য কৰি তিনিওগৰাকী বিধায়কে কয় যে, চৰকাৰৰ এনে সিদ্ধান্তৰ বিৰুদ্ধে এআইইউডিএফে ন্যালয়ৰ কাষ চাপিব ।
বিধানসভাত গৃহীত মাদ্ৰাছা বন্ধৰ বিধেয়ক: ন্যালয়ৰ কাষ চাপিব এ আই ইউ ডি এফ লগতে পঢ়কঃক্ষুদ্ৰ-সঞ্চয় প্ৰতিষ্ঠানক নাকি লগাবলৈ বিধানসভাত গৃহীত বিধেয়ক
