গুৱাহাটী, ৪ মাৰ্চঃ দুমাহ পাছত কংগ্ৰেছৰ নেতৃত্বত মহাজোঁটৰ চৰকাৰ হ'বলৈ গৈ আছে । এই দাবী সাংসদ তথা কংগ্ৰেছৰ নিৰ্বাচনী ইস্তাহাৰ কমিটীৰ অধ্যক্ষ গৌৰৱ গগৈৰ । বৃহস্পতিবাৰে ৰাজীৱ ভৱনত বিজেপি চৰকাৰক সমালোচনা কৰি সাংসদ গগৈয়ে কয় যে ' বিজেপি চৰকাৰে ৫ বছৰত ১ লাখ চাকৰি দিব পৰা নাই । আমাৰ মহাজোঁটে ৫ বছৰত ৫ লাখ চাকৰি দিব । মহাজোঁটৰ চৰকাৰত অসমৰ ৰাইজে এটা নতুন মনোভাৱ দেখা পাব । মনোভাৱ হ'ল সমস্যা সমাধান কৰাৰ চেষ্টা । বিজেপি চৰকাৰে সমস্যা সমাধান কৰিব নিবিচাৰে, সমস্যাৰ সৃষ্টি কৰে । চাকৰি দিয়াৰ কথা কৈ 'কা' জাপি দিলে । সমস্যা তল পেলাবৰ বাবে নতুন সমস্যাৰ সৃষ্টি কৰে । এয়া তেওঁলোকৰ চৰিত্র । বিজেপিয়ে মাথো চমক সৃষ্টি কৰে ।'
দুমাহ পাছতে ৰাজ্যত কংগ্ৰেছৰ নেতৃত্বত মহাজোঁটৰ চৰকাৰঃ গৌৰৱ গগৈ