গুৱাহাটী,11জুনঃচিৰাং জিলাৰ বেংতল আৰক্ষী চকীৰ ভাৰপ্ৰাপ্ত আৰক্ষী বিষয়া হাইদৰ আলী আহমেদৰ পত্নী ফাতেমা খাতুনৰ কোলাত মাতৃ স্নেহে বিচাৰি পোৱা পিতৃ-মাতৃহীন সোণালী বান্দৰৰ পোৱালি এটা এতিয়া আবাসী হৈছে গুৱাহাটীস্থিত অসম ৰাজ্যকি চিৰিয়াখানাৰ। বিগত ২৭ মে'ত অসমৰ ৰাজ্যিক চিৰিয়াখানাৰ বনকৰ্মীয়ে চিৰাঙৰ পৰা উদ্ধাৰ কৰি চিৰিয়াখানালৈ লৈ আহিছিল সোণালী বান্দৰৰ পোৱালিটোক । কণমানি নতুন আবাসীক পাই উৎফুল্লিত হৈ পৰিছে চিৰিয়াখানাৰ বনকর্মী সকল। নতুন আবাসীৰ চোৱা-চিতাৰ দায়িত্বত আছে জাহাংগীৰ আলী নামৰ বনকর্মী এগৰাকী। বৰ্তমান জাহাংগীৰ আলীৰ কোলাতে থাকি সময় অতিবাহিত কৰিছে সোণালী বান্দৰৰ পোৱালিটোৱে। দিনৰ ভাগত জাহাংগীৰ আলীৰ লগতে চিৰিয়াখানাত থাকি আবেলিৰ ভাগত জাহাংগীৰ আলীৰ ঘৰলৈ যায় এই কণমানি সোণালী বান্দৰৰ পোৱালিটো। নিশা জাহাংগীৰ আলীৰ লগতে শুৱে কণমানি পোৱালিটোৱে।
কৰীণা এতিয়া চিৰিয়াখানাৰ নতুন আবাসী