UPSC পৰীক্ষাত দুই অসম সন্তানৰ সাফল্য

'২০১৮ চনৰ ছেপ্টেম্বৰৰ পৰা UPSC পৰীক্ষাৰ বাবে প্ৰস্তুতি আৰম্ভ কৰিছিলো । নিজৰ চেষ্টাৰ ফলতেই এই সফলতা অৰ্জন কৰিছো । ২০১৯ চনৰ পৰা দৈনিক ১০ ঘন্টাকৈ অধ্যয়ন কৰিছিলো ।' ২০২১ বৰ্ষৰ UPSC পৰীক্ষাত সফলতাৰে উৰ্ত্তীৰ্ণ হোৱা অসমৰ শিল্পা খনিকৰে আৰু কি কি ক'লে ৷ পঢ়ক এই প্ৰতিবেদন ৷

গুৱাহাটী, 30 মে': আজি ঘোষিত ২০২১ বৰ্ষৰ UPSC পৰীক্ষাৰ ফলাফলত স্থান লাভ কৰিছে দুগৰাকীকৈ অসম সন্তানে ৷ ৫০৬ সংখ্যক স্থানত অসমৰ শিল্পা খনিকৰে স্থান লাভ কৰাৰ উপৰিও 639 সংখ্যক স্থানত আছে অসমৰ দেৱজ্যোতি বৰ্মন । উল্লেখ্য যে এইবাৰ UPSC পৰীক্ষাত উত্তীৰ্ণ হৈছে ৬৮৫ গৰাকী পৰীক্ষাৰ্থী ।

শীৰ্ষ ৫টা স্থানৰ ভিতৰত ৪টাই আছে ছাত্ৰীৰ দখল । ৫০৬ সংখ্যক স্থান লাভ কৰা শিল্পা খনিকৰৰ ঘৰ গুৱাহাটীৰ হাতীগাঁও শেৱালী পথত । অসমলৈ সম্মান কঢ়িয়াই অনা শিল্পা খনিকৰে সংবাদ মাধ্যমৰ আগত কয় যে তৃতীয় বাৰৰ চেষ্টাৰ ফলত তেওঁ এই সফলতা লাভ কৰিবলৈ সক্ষম হৈছে

৷ তেওঁ কয়- '২০১৮ চনৰ ছেপ্টেম্বৰৰ পৰা UPSC পৰীক্ষাৰ বাবে প্ৰস্তুতি আৰম্ভ কৰিছিলো । নিজৰ চেষ্টাৰ ফলতেই এই সফলতা অৰ্জন কৰিছো । ২০১৯ চনৰ পৰা দৈনিক ১০ ঘন্টাকৈ অধ্যয়ন কৰিছিলো । দিল্লীত ক'চিং কৰিছিলোঁ ।' শিল্পা খনিকৰে দিছপুৰৰ আনন্দ একাডেমীত দশম শ্ৰেণীলৈ অধ্যয়ন কৰি হায়াৰ চেকেণ্ডেৰী কটন বিশ্ববিদ্যালয়ত সম্পূৰ্ণ কৰিছিল । পিছত শিলচৰত অৱস্থিত NIT ৰ পৰা লাভ কৰিছিল স্নাতক ডিগ্ৰী ৷

লগতে পঢ়ক:UPSC পৰীক্ষাত শীৰ্ষ স্থান প্ৰাপ্ত শ্ৰুতি শৰ্মাৰ সৈতে আছুতীয়া সাক্ষাৎকাৰ