প্ৰথমবাৰলৈ শক্তিপীঠ কামাখ্যাত কিন্নৰ সমাজ

মহা অম্বুবাচীত দেশ বিদেশৰ ভক্তৰ লগতে কামাখ্যা ধামলৈ আহিছে কিন্নৰ সমাজ । প্ৰথমবাৰৰ বাবে চৰকাৰে মেলালৈ অহাৰ অনুমতি প্ৰদান কৰিছে কিন্নৰসকলক ৷

গুৱাহাটী, 21 জুনঃ কামাখ্যা ধামত পূৰ্বে কেতিয়াও নেদেখা এক দৃশ্য । কিন্নৰ সমাজে মা কালীৰ মূৰ্তি লৈ উলিয়ালে সমদল । মহা অম্বুবাচীত দেশ বিদেশৰ ভক্তৰ লগতে কামাখ্যা ধামলৈ আহিছে কিন্নৰ সমাজ । প্ৰথমবাৰৰ বাবে চৰকাৰে মেলালৈ অহাৰ অনুমতি প্ৰদান কৰিছে কিন্নৰসকলক । এইবাৰ মা কামাখ্যা ধামত বিশেষ পূজা অৰ্চনা কৰিব কিন্নৰ সমাজে । শুকুৰবাৰে কিন্নৰ সমাজে কামাখ্যাত উলিয়াই এক বিশাল সমদল । শান্তি সম্প্ৰীতিৰ পৰিৱেশ অক্ষুন্ন থকাৰ উদ্দেশ্যেৰে বাহিৰ কৰা হয় এই সমদল । পোন প্ৰথমবাৰৰ বাবে অম্বুবাচীৰ সময়চোৱাত শক্তিপীঠ কামাখ্যা ধামত দেখিবলৈ পোৱা গ'ল এই ব্যতিক্ৰমী দৃশ্য । প্ৰায় ২৫০ কিন্নৰে এনেদৰে জনকল্যাণৰ উদ্দেশ্যে মাৰ ওচৰত আশীষ লয় । উল্লেখযোগ্য যে এই সমদলত উপস্থিত থাকে কিন্নৰ আখাৰাৰ ভৱানী মা ।