9 বজাৰ দহটা শীৰ্ষ বাতৰি

9 বজাৰ দহটা শীৰ্ষ বাতৰি

9 বজাৰ দহটা শীৰ্ষ বাতৰি-

মঙলবাৰৰ পৰা পুনৰ আগৰ দৰে কাৰ্যক্ষম হ’ল ফেচবুক, হোৱাটচ এপ, ইনষ্টাগ্ৰাম, মেচেঞ্জাৰ ৷ সোমবাৰে হঠাৎ ফেচবুকৰ অধীনস্থ বিভিন্ন সেৱাসমূহ ব্যাহত হৈ পৰাৰ ফলত ব্যৱহাৰকাৰীসকলে সন্মুখীন হোৱা অসুবিধাৰ বাবে ক্ষমা বিচাৰে মুখ্য কাৰ্যবাহী বিষয়া মাৰ্ক জাকাৰবৰ্গে ৷

পশ্চিমবংগৰ বৰ্ধমান জিলাৰ আণ্ডালৰ পৰা উদ্ধাৰ অসমৰ অপহৃত দুই যুৱক ৷ সোণাৰি আৰক্ষীৰ তৎপৰাত আণ্ডাল আৰক্ষীয়ে উদ্ধাৰ কৰে যুৱকদ্বয়ক ৷ লগতে ঘটনাৰ লগত জড়িত এজনক পিষ্টলসহ আটক কৰিছে আৰক্ষীয়ে ৷ অধিক জানিবলৈ সবিশেষ পঢ়ক...

গান্ধী জয়ন্তীৰ দিনটোতে ৰাজ্য চৰকাৰে মুকলি কৰিছিল মিছন বসুন্ধৰা । সোমবাৰে জোনাইত মিছন বসুন্ধৰাৰ শুভাৰম্ভ কৰে লখিমপুৰ লোকসভা সমষ্টিৰ সাংসদ প্ৰদান বৰুৱাই ৷

ইষ্টাৰ্ণ এয়াৰ কমাণ্ডৰ চীফ এয়াৰ মাৰ্শ্বেল হিচাপে দায়িত্ব গ্ৰহণ কৰিছে ভাৰতীয় বায়ুসেনাৰ এয়াৰ মাৰ্শ্বেল দিলীপ কুমাৰ পাটনায়কে ৷

জামিন নাপালে কিং খানৰ পুত্ৰ আৰিয়ানে ৷ ড্ৰাগছৰ গোচৰত NCB জিম্মালৈ প্ৰেৰণ আৰিয়ান খানসহ তিনিজনক ৷ কি আছিল এই ড্ৰাগছৰ গোচৰ ? কি হৈছিল কৰ্ডেলিয়া ক্ৰুইজত ? সবিশেষ পঢ়ক...

৩০ অক্টোবৰত ৰাজ্যত অনুষ্ঠিত হ'ব উপ-নিৰ্বাচন । ইতিমধ্যে ৰাজ্যিক বিজেপিয়ে তিনিটা সমষ্টিৰ প্ৰাৰ্থীৰ নাম ঘোষণা কৰিছে ৷ ১০১ নং মৰিয়নী সমষ্টিৰ বাবে ৰূপজ্যোতি কুৰ্মীক প্ৰাৰ্থী হিচাপে প্ৰক্ষেপ কৰিছে বিজেপিয়ে ৷ নাম ঘোষণাৰ কৰাৰ পাচতে প্ৰতিক্ৰিয়া প্ৰকাশ কৰিছে ৰূপজ্যোতি কুৰ্মীয়ে ৷

ড্ৰাগছ আৰু নিচাযুক্ত দ্ৰব্যৰ ব্যৱহাৰৰ অভিযোগত গ্ৰেপ্তাৰ কৰা হৈছিল বলীউডৰ চুপাৰষ্টাৰ শ্বাহৰুখ খান পুত্ৰ আৰিয়ান খানক ৷ ইয়াৰ পিছতে এতিয়া কিং খানলৈ সমৰ্থন আগবঢ়োৱা দেখা গৈছে বলীউদৰ তাৰকা সকলক ৷

চলিত মাহৰ শেষৰ ফালে অনুষ্ঠিত হ’ব টি20 বিশ্বকাপ ৷ এই উৎসুকতাৰ মাজতে ক্ৰিকেট অনুৰাগীসকলৰ বাবে আহিছে আন এক সু-খবৰ ৷ 70 শতাংশ দৰ্শকৰ উপস্থিতিত অনুষ্ঠিত হ’ব টি20 বিশ্বকাপৰ খেলসমূহ ৷

বিটিচিৰ ৰাজনৈতিক বতাহ আকৌ গৰম হোৱাৰ দিশে । বিজেপিৰে বিপিএফৰ মিত্ৰতা চূড়ান্ত হোৱাৰ কথা ঘোষণা হাগ্ৰামা মহিলাৰীৰ ।

অসম বিধান সভা সমষ্টিৰ উপনিৰ্বাচনৰ আখৰা ইতমধ্যেই আৰম্ভ হৈছে ৷ শিৱসাগৰ জিলাৰ থাওৰা সমষ্টিটো নিৰ্বাচনী বতাহ পূৰ্ণোদ্যমে বলিছে ৷ সোমবাৰে উপনিৰ্বাচনত প্ৰতিদ্বন্দিতা কৰিবৰ বাবে ৰাইজৰ দলৰ প্ৰাৰ্থী ধৈৰ্য্য কোঁৱৰে মনোনয়ন পত্ৰ সংগ্ৰহ কৰে ৷ থাওৰা সমষ্টিত এই উপনিৰ্বাচন তিনিকোণীয়া হোৱাৰ সম্ভাৱনা আছে ৷