পুৱা 9 বজাৰ শীৰ্ষ দহটা বাতৰি

পুৱা 9 বজাৰ শীৰ্ষ দহটা বাতৰি

পুৱা 9 বজাৰ শীৰ্ষ দহটা বাতৰি-

তুৰ্কীৰ স্বাস্থ্যমন্ত্ৰী ফাহৰেট্টিন ক'চাই জনাইছে যে অক্সিজেন চালিত উচ্চ চাপযুক্ত যন্ত্ৰৰ বিস্ফোৰণ ঘটি তুৰ্কীৰ এখন ব্যক্তিগত চিকিৎসালয়ৰ আইচিইউ কক্ষত অগ্নিকাণ্ড সংঘটিত হৈছে ৷ অগ্নিকাণ্ডৰ ফলত আইচিইউত চিকিৎসাধীন হৈ থকা 9 গৰাকী ক'ভিড-19 আক্ৰান্ত ৰোগীয়ে দুৰ্ভাগ্যজনক ভাৱে মৃত্যুক আঁকোৱালি লয় ৷

UNICEFয়ে আগন্তুক বৰ্ষত প্ৰতিমাহে মুঠ 850 টন ক’ভিড-19ৰ প্ৰতিষেধক Covax প্ৰদান কৰাৰ সম্ভাৱনা ৷ এই পদক্ষেপক এক ঐতিহাসিক পদক্ষেপ আখ্যা UNICEFৰ কাৰ্যবাহী নিৰ্দেশক হেনৰিটা ফ’ৰৰ ৷

শনিবাৰে শান্তি পূৰ্ণ ভাৱে সম্পন্ন হ'ল তিৱা স্বায়ত্ব শাসিত পৰিষদৰ পৰিষদীয় নিৰ্বাচন ৷ প্ৰায় এমাহজোৰা নিৰ্বাচনী প্ৰস্তুতিৰে সম্পন্ন হোৱা তিৱা পৰিষদৰ নিৰ্বাচনৰ ফলাফল ঘোষণাৰ পাচতে নিৰ্বাচনী বিষয়া তথা স্থানীয় ৰাইজক ধন্যবাদ জ্ঞাপন কৰিছে মৰিগাঁও জিলা আৰক্ষী অধীক্ষক গৰাকীয়ে ৷

সংযুক্ত ৰাষ্ট্ৰৰ ৰাষ্ট্ৰপতি হিচাপে নিৰ্বাচিত জ' বাইডেনে শুকুৰবাৰে ভাৰতীয়-আমেৰিকান বেদান্ত পেটেলক সহকাৰী প্ৰেচ উপদেষ্টা হিচাপে নিৰ্বাচন কৰে ৷ পেটেল বৰ্তমান বাইডেনৰ উদ্বোধনী সমিতিৰ মুখপাত্ৰ হিচাপে কৰ্মৰত আৰু পূৰ্বতে তেওঁ বাইডেনৰ নিৰ্বাচনী প্ৰচাৰত আঞ্চলিক কমিউনিকেশ্বন ডাইৰেক্টৰ হিচাপে কাৰ্যনিৰ্বাহ কৰিছিল ৷

ইজৰাইলী প্ৰধানমন্ত্ৰী বেঞ্জামিন নেটান্যাহুৱে শনিবাৰে ক’ভিড-19ৰ প্ৰতিষেধক গ্ৰহণ কৰে ৷ ইজৰাইলৰ প্ৰথম গৰাকী ক’ভিড-19ৰ প্ৰতিষেধক লোৱা ব্যক্তি হিচাপে পৰিগণিত হৈছে প্ৰধানমন্ত্ৰী নেটান্য়াহু ৷

10 দিনীয়া কাৰ্যসূচীৰে শনিবাৰে বৰাক উপত্যকা ভ্ৰমণ আৰম্ভ কৰে ৰাজ্যিক বিজেপিৰ সভাপতি ৰণজিৎ দাসে ৷ আগন্তুক বিধানসভা নিৰ্বাচনৰ বাবে ইতিমধ্যেই তৎপৰ হৈ পৰিছে শাসনাধীস্থ দলটো ৷ সমষ্টিভিত্তিক কৰ্মীসভা অনুষ্ঠিত কৰিছে দলটোৱে ৷

শনিবাৰে ঘােষিত তিৱা স্বায়ত্ব পৰিষদৰ নির্বাচনী ফলাফলত ভাৰতীয় জনতা পাৰ্টীৰ পক্ষত জনাদেশ দিয়াৰ কাৰণে ভাৰতীয় জনতা পাৰ্টী, অসম প্রদেশৰ সভাপতি ৰণজিৎ কুমাৰ দাসে পৰিষদখনৰ জনসাধাৰণৰ প্রতি গভীৰ কৃতজ্ঞতা জ্ঞাপন কৰিছে ।

আগন্তুক বিধানসভা নিৰ্বাচনৰ পূৰ্বেই খালী হৈ যাব কংগ্ৰেছৰ মোনা । তিৱা নিৰ্বাচনৰ ফলাফল, বিটিচিৰ ফলাফল, আগন্তুক বিধানসভা নিৰ্বাচনৰ বিজেপিৰ ৰণকৌশলৰ লগতে কংগ্ৰেছৰ নেতা, বিধায়কৰ বিজেপি গমন আদি কেবাটাও বিষয় সামৰি বিধায়িকা আঙুৰলতা ডেকাৰ সৈতে ই টি ভি ভাৰতৰ এক বিশেষ সাক্ষাৎকাৰ...

সোমবাৰৰ পৰা গৱেষক শিক্ষাৰ্থীৰ বাবে পুনৰ খোলা হ'ব জৱাহৰলাল নেহৰু বিশ্ববিদ্যালয় । COVID-১৯ মহামাৰীৰ বাবে ৭ মাহে বন্ধ হৈ থকাৰ পিছত বিশ্ববিদ্যালয় খোলাৰ চতুৰ্থ পৰ্যায়ত গৱেষক শিক্ষাৰ্থীক বিশ্ববিদ্যালয়ত প্ৰৱেশৰ অনুমতি দিয়া হৈছে ।

ৰাষ্ট্ৰীয় স্বয়ংসেৱক সংঘৰ জ্যেষ্ঠ নেতা তথা সংঘৰ প্ৰথম মুখপাত্ৰ মাধৱ গোবিন্দ বৈদ্যৰ শনিবাৰে মৃত্যু ঘটে ৷ দীৰ্ঘদিনীয়া অসুস্থতাৰ অন্তত 97 বছৰ বয়সত মৃত্যু ঘটে আৰএছএছৰ জ্যেষ্ঠ নেতাগৰাকীৰ ৷