জিএমচিএইছত ভৰ্তি কৃষক নেতা অখিল গগৈক
শনিবাৰে নিশাই জিএমচিএইছত ভৰ্তি কৰা হয় কৃষক নেতা অখিল গগৈক ৷ উল্লেখ্য যে, কাৰাগাৰৰ ভিতৰতেই কোভিড 19 পজিটিভ বুলি ধৰা পৰিছিল কৃষক নেতাগৰাকী ৷ শনিবাৰে নিশা 108 এম্বুলঞ্চেৰে জিএমচিএইছলৈ অনা হয় অখিল গগৈক ৷
জোনাইত বানাক্ৰান্তলৈ সাহাৰ্য হেমন্ত দেউৰীৰ
জোনাইত বানাক্ৰান্ত অঞ্চলৰ ৩৪০ টা শিবিৰত সাহাৰ্য বিতৰণ কৰে ১০ নং জোনাই দেউৰী পৰিষদীয় সমষ্টিৰ সদস্য হেমন্ত দেউৰীয়ে ৷ ইয়াৰ পূৰ্বেও 340 টা পৰিয়ালক বান সাহাৰ্য প্ৰদান কৰিছিল হেমন্ত দেউৰীয়ে ৷
লক ডাউনত চৰকাৰে খাদ্য যোগান ধৰিব গুৱাহাটী মহানগৰীৰ গৃহহীন লোকক
লক ডাউনৰ সময়চোৱাত মহানগৰীৰ গৃহহীন লোকসকলক চৰকাৰে খাদ্যৰ যোগান ধৰিব । শনিবাৰে সন্ধিয়া মুখ্যমন্ত্ৰীৰ কাৰ্যালয়ৰ পৰা এই কথা সদৰী কৰাৰ লগতে এই বুলিও জনোৱা হয় যে কামৰূপ মহানগৰ জিলাত লক ডাউনৰ সময়চোৱাত শাক-পাচলিৰ পৰা আৰম্ভ কৰি অত্যাৱশ্যকীয় সামগ্ৰীৰ দাম চোৱাচিতাৰ বাবে এখন ক'ৰ কমিটিও চৰকাৰে গঠন কৰা হ'ব ।
নতুন মোৰ লৈছে নয়নতৰা বৰুৱা হত্যাকাণ্ডই
ওদালগুৰি জিলাৰ কলাইগাঁৱৰ নয়নতৰা চহৰীয়া বৰুৱাৰ হত্যাকাণ্ডৰ নতুন মোৰ ৷ ৰহস্যজনকভাৱে আৰক্ষীয়ে আটক কৰিলে স্বামী উপেন্দ্ৰ বৰুৱা,জ্যেষ্ঠ পুত্ৰ হীৰকজ্যোতি বৰুৱা আৰু তেওঁলোকৰ ঘৰত কাম কৰা মহিলাগৰাকীক।
দেওবাৰে হ'ব মধ্যপ্ৰদেশ মন্ত্ৰীসভাৰ দপ্তৰ বিতৰণ
বিগত 2 জুলাইত মধ্যপ্ৰদেশ মন্ত্ৰীসভাৰ 28গৰাকীকৈ মন্ত্ৰীয়ে শপতগ্ৰহণ কৰিছিল ৷ শপতগ্ৰহণ কৰা মন্ত্ৰীসকলৰ অধিকাংশই জ্যোতিৰাদিত্য সিন্ধিয়াৰ গোটৰ আছিল আৰু শপতগ্ৰহণৰ 9 দিনৰ অন্তত দেওবাৰে নিজৰ নিজৰ দপ্তৰ লাভ কৰিব এইসকল মন্ত্ৰীয়ে ৷