সন্ধিয়া সাতৰ শীৰ্ষ বাতৰিসমূহ.....

সন্ধিয়া সাতৰ শীৰ্ষ বাতৰিসমূহ.....

বাঘজানৰ অগ্নিকাণ্ড সংঘটিত তৈলখাদটো পৰিদৰ্শন কৰে বিশেষজ্ঞৰ দলে ৷ দলটোৱে বিজিআৰৰ 5 নম্বৰ খাদটো পৰিদৰ্শন কৰে ৷

শেহতীয়াকৈ প্ৰকাশিত এক গৱেষণাত পোহৰলৈ আহিছে যে, হৃদযন্ত্ৰৰ ৰোগ (myocardial injury) থকা কোভিড-19 আক্ৰান্ত লোকসকলৰ মৃত্যুৰ সম্ভাৱনা অধিক ৷

বাঘজানৰ ক্ষতিগ্ৰস্ত লোকসকলক অইলৰ তৰফৰ পৰা এককালীনভাৱে ৩০ হাজাৰ টকাকৈ দিয়াৰ ব্যৱস্থা কৰাৰ লগতে পৰৱৰ্তী সময়ত ক্ষয়-ক্ষতিৰ বুজ লৈ ক্ষতিপূৰণ দিয়া হ'ব বুলি ঘোষণা কৰে চন্দ্ৰমোহন পাটোৱাৰীয়ে ৷

বহিঃৰাজ্যৰ পৰা আহি তিনিচুকীয়াৰ দুখনকৈ হোটেলত কোৱাৰেণ্টাইন হৈ থকা 8 গৰাকীকৈ লোকৰ দেহত ধৰা পৰিল COVID-19ৰ অৱস্থিতি ৷

শুকুৰবাৰে বাঘজানৰ ঘটনা সন্দৰ্ভত গান্ধীবস্তিস্থিত কৃষক মুক্তি সংগ্ৰাম সমিতিৰ কাৰ্যালয়ত এখন সংবাদমেল সম্বোধন কৰি দলটোৰ সভাপতি ভাস্কো ডি শইকীয়াই চৰকাৰ আৰু অইল কৰ্তৃপক্ষক ভিন্ন দাবী উত্থাপন কৰে ৷

ওদালগুৰি জিলাৰ মাজবাটৰ এটা কোৱাৰান্টাইন কেন্দ্ৰত অঘটন । শুকুৰবাৰে মাজবাট কলেজৰ কোৱাৰেন্টাইন কেন্দ্ৰৰ বিচনা-আচবাব আদিত অগ্নিসংযোগ কৰে কেন্দ্ৰটোত কোৱাৰেন্টাইন হৈ থকা একাংশ লোকে ।

হাইলাকান্দিত শিৱ মন্দিৰৰ মূৰ্তি ভঙাকলৈ সৃষ্টি হয় উত্তেজনাময় পৰিৱেশৰ । পৰিস্থিতি নিয়ন্ত্ৰণ কৰাৰ বাবে আৰক্ষীৰ লাঠি চাৰ্জ । লাঠি চাৰ্জত আহত কেইবাগৰাকী প্ৰতিবাদকাৰী ।

৯৯৯ টকাত কোনো ধৰণৰ অতিৰিক্ত খৰছ নোহোৱাকৈ বছৰৰ বাবে আমাজন প্ৰাইমৰ সদস্যপদ লাভ কৰিব পাৰিব ৰিলায়েঞ্চ জিঅ'ৰ গ্ৰাহকে । শুকুৰবাৰে টেলিক'ম কোম্পানীটোৱে জিঅ'ফাইবাৰ ব্যৱহাৰকাৰীৰ বাবে এই সুবিধা ঘোষণা কৰিছে ।

বকো অঞ্চলত এক অভিযান চলাই বামুনীগাঁও আঞ্চলিক বন বিষয়াৰ কাৰ্যালয়ৰ এটা দলে এখন কাঠভৰ্তি এখন ডিআই বাহন জব্দ কৰে । শুকুৰবাৰৰ এই সফল অভিযানৰ নেতৃত্ব দিছিল বন বিষয়া কুশল দাসে ।

মাৰ্ঘেৰিটাৰ উত্তৰ-পূব কয়লা ক্ষেত্ৰৰ উৎপাদন কাৰ্য বন্ধ কৰি দিয়াৰ পিচতে,২০ জুনৰ ভিতৰত দেশৰ অন্য কয়লা ক্ষেত্ৰলৈ উদ্যোগটোৰ কৰ্মচাৰী সকলক বদলি কৰাৰ জাননী প্ৰেৰণ কৰাৰ লগে লগে প্ৰতিবাদমুখৰ হৈ পৰিল মাৰ্ঘেৰিটাৰ ৰাজপথ ৷