9 বজাৰ শীৰ্ষ দহটা বাতৰি...
গৰুখুটিৰ ঘটনাৰ পিছত অসম আন্দোলনৰ শ্বহীদ দয়ানাথ শৰ্মাকে ধৰি আন সকলক ঘাতক আখ্যা দি অৱশেষত গ্ৰেপ্তাৰ বিতৰ্কিত বিধায়ক শ্বেৰমান আলী ৷
কংগ্ৰেছী বিধায়ক শ্বেৰমান আলীক গ্ৰেপ্তাৰ সন্দৰ্ভত টেলিফোনিক মন্তব্য প্ৰকাশ প্ৰদেশ কংগ্ৰেছৰ সভাপতি ভূপেন বৰাৰ ৷ যিয়ে যেনে কাম কৰিব তেনে ফলাফলেই পাব বুলি কিয় ক’লে ভূপেন বৰাই ? সবিশেষ আমাৰ এই বিশেষ প্ৰতিবেদনত ৷
চিৰাঙৰ বেংতল বন বিভাগৰ কাৰ্য্যালয়ত ৮০০ জন চোৰাং চিকাৰীৰ অস্ত্ৰ সম্বৰণ ৷ সকলোকে ৫০ হেজাৰ টকাৰ লগতে সংস্থাপনৰ আশ্বাস বিটিআৰৰ বন বিভাগৰ কাৰ্য্যবাহী সদস্য ৰঞ্জিত বসুমতাৰীৰ ।
নগাঁৱত ৰটাৰী ক্লাৱত অদ্ভূত কাণ্ড । জাতিৰ পিতাক চৰম অপমান । গান্ধী জয়ন্তী উদযাপনৰ নামত উশৃংখলতা। ডি জে বজাই উদ্যম নৃত্যৰ আয়োজন কৰি উদযাপন মহাত্মা গান্ধীৰ জন্মদিন । ডি জেৰ তালে তালে নৃত্য ৰটাৰি ক্লাৱৰ সভাপতি জোন ৰাজখোৱাৰ । এই ঘটনাৰ পিছতেই ৰটাৰি ক্লাবৰ বিৰুদ্ধে জাঙুৰ খাই উঠিছে বিভিন্ন দল সংগঠন ।
দেশৰ বাঘ সংৰক্ষণৰ গৌৰৱোজ্জ্বল পদক্ষেপক ৰাইজৰ মাজলৈ নিয়াৰ প্ৰচেষ্টাৰে আৰম্ভ হৈছে 'ইণ্ডিয়া ফৰ টাইগাৰ, এ ৰেলী অন হুইল' শীৰ্ষক এক বিশেষ ৰেলী ৷ উত্তৰ-পূৱ ভাৰতৰ মুঠ আঠখন বাঘ্ৰ প্ৰকল্পৰ পৰা আৰম্ভ হোৱা ৰেলী মানহত গৈ সামৰণি পৰিব ৷
আইডৰ কেলংকাৰীত দোষী সাব্যস্ত হোৱা ড৹ কন্দৰ্প দাসৰ বিৰুদ্ধে গুৱাহাটী বিশ্ববিদ্যালয়ৰ কাৰ্যবাহী পৰিষদে পৰৱৰ্তী বৈঠকত ল'ব চূড়ান্ত সিদ্ধান্ত ৷ ড৹ কন্দৰ্প দাসক দোষী সাব্যস্ত কৰা সন্দৰ্ভত কৈফয়ৎ বিচাৰি দহ দিনৰ ভিতৰত উত্তৰ দিবলৈ জাননী জাৰি কৰা হৈছিল ৷ যোৱা 30 ছেপ্তেম্বৰত সেই দহ দিনৰ সময়সীমা উকলি যায় ৷ কিন্তু সময়সীমা পাৰ হোৱাৰ পাছতো ড৹ কন্দৰ্প দাসে জাননীৰ উত্তৰ দিয়াৰ পৰা বিৰত আছে ৷
উপ-নিৰ্বাচনৰ পূৰ্বে কংগ্ৰেছ, ৰাইজৰ দল আৰু অসম জাতীয় পৰিষদৰ মাজত হোৱা মিত্ৰতাক লৈ চিন্তিত নহয় বিজেপি ৷ পূৰ্বতেও এনে মিত্ৰতা আছিল আৰু নিৰ্বাচনৰ পূৰ্বে তৃতীয় মৰ্চা, চতুৰ্থ মৰ্চাৰ কথা ওলায় ৷ এনেবোৰ মিত্ৰতাক বিজেপিয়ে কেৰেপ নকৰে ৷ বৰপেটাত এই মন্তব্য কৰিছে মন্ত্ৰী ৰণজিৎ কুমাৰ দাসে ৷
ঠেলামৰাৰ চক্ৰ বিষয়া বৰেণ্য ৰঞ্জন বৰঠাকুৰক গ্ৰেপ্তাৰ । শনিবাৰে বিয়লি গুৱাহাটীত দুৰ্নীতি নিবাৰক শাখাই (Anti Corruption Bureau ) গ্ৰেপ্তাৰ কৰে চক্ৰ বিষয়া গৰাকীক ৷
এসময়ত শান্তিপূৰ্ণ ৰাজ্য হিচাবে পৰিচিত অৰুণাচল প্ৰদেশৰ তিনি খন জিলাক পুনৰ অশান্ত অঞ্চল হিচাৱে ঘোষণা কৰিছে কেন্দ্ৰীয় গৃহ মন্ত্ৰালয়ে । এই কথাই স্বাভাৱিকতে ৰাজ্যখনৰ পৰ্যটন আৰু আন আন খণ্ডক প্ৰভাৱিত কৰিছে ।
উত্তৰ প্ৰদেশ চৰকাৰে অভিনেত্ৰী কংগনা ৰাণাৱটক তেওঁলোকৰ উচ্চাকাংক্ষী 'এক জিলা এক সামগ্ৰী' কাৰ্যসূচীৰ ব্ৰেণ্ড এম্বেচেডৰ হিচাপে নামাকৰণ কৰিছে । অভিনেত্ৰীগৰাকীয়ে উত্তৰ প্ৰদেশৰ মুখ্যমন্ত্ৰী যোগী আদিত্যনাথক তেওঁৰ চৰকাৰী বাসভৱনত সাক্ষাৎ কৰে ।
