তিনি বজাৰ শীৰ্ষ দহটা বাতৰি...
গুৰুজনাৰ ৫৭৩ সংখ্যক আবিৰ্ভাৱ মহোৎসৱৰ সামৰণি
মহাপুৰুষ শ্ৰীমন্ত শংকৰদেৱৰ আবিৰ্ভাৱ তিথি উপলক্ষে শুকুৰবাৰৰ পৰা কলিয়াবৰৰ শ্ৰীশ্ৰী বালিসত্ৰ বামন গোঁসাই থানত পালন কৰা হয় শংকৰদেৱৰ জন্মোৎসৱ ৷ মহোৎসৱৰ দুয়োদিনৰ কাৰ্যসূচীত উপস্থিত থাকে স্বাস্থ্যমন্ত্ৰী কেশৱ মহন্ত ৷
ফিল’বাৰী কাণ্ডক লৈ কেন্দ্ৰীয় মন্ত্ৰী সৰ্বানন্দ সোণোৱালৰ প্ৰতিক্ৰিয়া
তিনিচুকীয়াৰ ফিল’বাৰীত এগৰাকী শিক্ষকে ছাত্ৰ-ছাত্ৰীৰ সন্মুখত আঁঠু লৈ ক্ষমা খোজাৰ ঘটনাক দুৰ্ভাগ্যজনক আখ্যা দিছে প্ৰাক্তন মুখ্যমন্ত্ৰী তথা বৰ্তমানৰ কেন্দ্ৰীয় মন্ত্ৰী সৰ্বানন্দ সোণোৱালে ৷
অখিল গগৈয়ে লুঙী পিন্ধি অবৈধ বেদখলকাৰীক সুৰক্ষা দিবলৈ চেষ্টা কৰে : বিমল বৰা
ৰাইজৰ দলৰ প্ৰাৰ্থী ধৈৰ্য কোঁৱৰৰ জয় নিশ্চিত বুলি অখিল গগৈয়ে দাবী কৰাৰ পাছতে কেবিনেট মন্ত্ৰী বিমল বৰাই বিষয় সন্দৰ্ভত প্ৰতিক্ৰিয়া প্ৰকাশ কৰে ৷ বিমল বৰাৰ দাবী উপ নিৰ্বাচনত উন্নয়নৰ সপক্ষে ভোট দিব ৰাইজে । সুশান্ত বৰগোঁহাইক জয়ী কৰাব থাওৰাৰ ৰাইজে- এই দাবী মন্ত্ৰীগৰাকীৰ ৷ তেওঁ লগতে অখিল গগৈয়ে লুঙী পিন্ধি অবৈধ বেদখলকাৰীক সুৰক্ষা দিবলৈ চেষ্টা কৰে বুলি মন্তব্য কৰে ।
আজি বিজেপিত যোগদান কৰিব পৱন সিং ঘাটোৱাৰৰ পুত্ৰ প্ৰাঞ্জল ঘাটোৱাৰে
দেওবাৰে বিয়লি ভাগত হেঙেৰাবাৰীস্থিত বিজেপিৰ মুখ্য কাৰ্যালয়ত বিজেপি(BJP) দলত যোগদান কৰিব প্ৰাক্তন কেন্দ্ৰীয় মন্ত্ৰী পৱন সিং ঘাটোৱাৰ(Paban Singh Ghatowar)ৰ পুত্ৰ প্ৰাঞ্জল ঘাটোৱাৰে(Pranjal Ghatowar) ৷ প্ৰাঞ্জল ঘাটোৱাৰৰ উপৰিও বিজেপিত যোগদান কৰিব প্ৰাক্তন কংগ্ৰেছ মন্ত্ৰী পৃথ্বী মাঝিৰ পুত্ৰ প্ৰদীপ মাঝি আৰু ৰামেশ্বৰ ধানোৱাৰৰ পুত্ৰ গৌতম ধানোৱাৰে ৷