3 বজাৰ শীৰ্ষ দহটা বাতৰি

3 বজাৰ শীৰ্ষ দহটা বাতৰি

ক'ভিডত আক্ৰান্ত হোৱা বুলি নিশ্চিত হোৱাৰ পিছতে শুকুৰবাৰে নিশা ৰিপুণ বৰাক ভৰ্তি কৰোৱা হয় গুৱাহাটী চিকিৎসা মহাবিদ্যালয় হাস্পতালত ।

তামুলপুৰ সমষ্টিৰ বিধায়ক লেহোৰাম বড়োৰ বিয়োগ ৷ ক’ভিডত আক্ৰান্ত হৈ জিএমচিএইচত চিকিৎসাধীন হৈ আছিল তামুলপুৰৰ বিধায়কগৰাকী ৷

শিৱ থাপাৰ লগতে ভাৰতীয় দলৰ আন এজন ডিফেণ্ডিং চেম্পিয়ন অমিত পাংঘালেও ফাইনেলত প্ৰৱেশ কৰে ৷ আনহাতে মহিলা শাখাত ছয়বাৰকৈ বিশ্ব চেম্পিয়নশ্বিপৰ খিতাপ অৰ্জন কৰা ভাৰতীয় বক্সাৰ মেৰী কমেও ফাইনেলত প্ৰৱেশ কৰে ৷

শিৱসাগৰৰ হালোৱাটিঙত গাঞ্জা ব্যৱসায়ী আটক
অসম আৰক্ষীৰ অবৈধ নিচাযুক্ত দ্ৰব্য বিৰোধী অভিযান তীব্ৰতৰ ৰূপত অব্যাহত আছে সমগ্ৰ ৰাজ্যত ৷ বৃহস্পতিবাৰে শিৱসাগৰ জিলা আৰক্ষীয়ে জিলাখনৰহালোৱাটিঙত বৃহৎ পৰিমাণে গাঞ্জা উদ্ধাৰ কৰাৰ লগতে শুকুৰবাৰে এজন গাঞ্জা বেপাৰীক আটক কৰিবলৈ সক্ষম হয় ৷

তিতাবৰৰ গড়আলিৰ ধলি অঞ্চলত নাহৰফুটুকীৰ মুক্ত বিচৰণ চলিছে ৷ আংশিক লক ডাউনৰ বাবে যান-বাহনৰ চলাচল কমি যোৱাত অঞ্চলটোত খাদ্যৰ সন্ধানত অহা বনৰজাই আতংকিত কৰি তুলিছে ৰাইজক ৷

কেন্দ্ৰীয় মন্ত্ৰী ৰামেশ্বৰ তেলীয়ে মৰাণ সমষ্টিৰ বিধায়ক চক্ৰধৰ গগৈ সহ খোৱাং চাহ বাগিচাৰ ক'ভিড কেন্দ্ৰ পৰিদৰ্শন কৰে ৷

নেৰানেপেৰা বৰষুণৰ ফলত উত্তৰাখণ্ডৰ উত্তৰ কাশী জিলাৰ সুনগৰত ভূমিস্খলন হয় । শনিবাৰে পুৱতি নিশা হোৱা ভূমিস্খলনৰ ফলত গংগোত্ৰীৰ ৰাষ্ট্ৰীয় ঘাইপথ বন্ধ হৈ পৰে ৷

বৃহস্পতিবাৰে ফ্ৰান্সৰ পৰা ভাৰত পালেহি ৩ খন ৰাফেল যুদ্ধ বিমান । শীঘ্ৰে ভাৰতীয় বায়ুসেনাই পশ্চিমবংগৰ হাছিমাৰাত এই বিমানসমূহৰ দ্বিতীয় লানি স্কোৱাড্ৰণ উৰণ অভিযান আৰম্ভ কৰিব । ভাৰতীয় বায়ুসেনাৰ এক সূত্ৰই এই কথা প্ৰকাশ কৰিছে ।

ঘৰুৱা বিমানৰ টিকটৰ নুন্যতম মূল্য ১৫ শতাংশ বৃদ্ধি কৰাৰ সিদ্ধান্ত গ্ৰহণ কৰিছে কেন্দ্ৰীয় চৰকাৰে । লগতে যাত্ৰীৰ হাৰ ৮০ শতাংশৰ পৰা ৫০ শতাংশলৈ হ্ৰাস কৰাৰো সিদ্ধান্ত লোৱা হৈছে । ক'ভিড-১৯ৰ সংক্ৰমণৰ প্ৰতি লক্ষ্য ৰাখি এই সিদ্ধান্ত গ্ৰহণ কৰিছে কেন্দ্ৰীয় চৰকাৰে ।

চাম্বা চেক্টৰত বিএছএফৰ জোৱানৰ দ্বাৰা গুলীবিদ্ধ হোৱা এগৰাকী পাকিস্তানী অনুপ্ৰৱেশকাৰীয়ে জম্মুৰ এখন চিকিৎসালয়ত আঘাতপ্ৰাপ্ত হৈ মৃত্যুবৰণ কৰে। তেওঁ এই মাহত চাম্বা খণ্ডত আইবিৰ আৰু বিএছএফৰ দ্বাৰা নিহত দ্বিতীয় পাকিস্তানী অনুপ্ৰৱেশকাৰী ।